Psaume
Psaume ti David.
103 Zia mbi sepela* Jéhovah;
zia si ye kue so ayeke na yâ ti mbi asepela iri ti lo so ayeke nzoni-kue.
3 Lo pardonné afaute ti mo kue,+
lo sava asongo terê ti mo kue;+
4 lo zi fini ti mo na yâ ti dû*+
nga lo sara si tâ ndoye ti lo nga na nzoni bê ti lo aga tongana couronne na li ti mo.+
5 Lo mû na mo gbâ ti anzoni ye+ na yâ ti gigi ti mo kue,
si mo ngbâ na ngangu ti lâ ti maseka ti mo tongana ti aigle.+
6 Jéhovah asara ye na lege ni nga lo fâ ngbanga ti mbilimbili+
ndali ti azo kue so azo asara pasi na ala.+
9 Lo yeke ngbâ ande lakue pëpe ti gi ti bâ afaute so zo asara,+
nga lo yeke ngbâ lakue ti bata ngonzo na terê ti zo pëpe.+
10 Lo sara ye na e pëpe alingbi na siokpari so e sara;+
lo sara ye na e pëpe alingbi na afaute so e sara.+
11 Tongana ti so yayu ayo na nduzu ahon sese,
tâ ndoye ti lo ayeke kota mingi na mbage ti azo so akpe mbeto ti lo.+
12 Tongana ti so ndo so lâ asigi dä ayo mingi na ndo so lâ alinda dä,
lo zi akengo ndia ti e, lo zia ni yongoro na e.+
13 Tongana ti so mbeni babâ asara nzoni bê na amolenge ti lo,
Jéhovah asara nzoni bê na azo so akpe mbeto ti lo,+
15 Ti senge zo, alango ti fini ti lo ayeke tongana ti pere;+
lo yeke tongana fleur so ayeke sigi na yâ ti benyama.+
16 Me tongana pupu aya, a yeke dä encore ape,
mo bâ mo tene a yeke na ndo ni so lâ oko pëpe.*
17 Me tâ ndoye ti Jéhovah ayeke ngbâ kpu na kpu*
na mbage ti azo so akpe mbeto ti lo,+
nga mbilimbili ti lo ayeke ngbâ lakue lakue na mbage ti amolenge ti amolenge ti ala,+
18 na mbage ti azo so abata mbele ti lo+
nga na ala so asara kue ti sara ye alingbi na yanga so lo mû.
20 Ala sepela Jéhovah, ala a-ange+ ti lo kue so ayeke na ngangu mingi,
so ayeke sara ye alingbi na tënë ti lo+ nga ayeke mä yanga ti lo.*
22 Ala akusala kue ti Jéhovah, ala sepela lo
na ando kue so lo komande dä.
Zia si terê ti mbi kue* asepela Jéhovah.