Psaume
Psaume ti David.
28 Jéhovah, Kota tênë ti mbi,+ mbi ngbâ ti toto na mo;
kanga mê ti mo pëpe na ngoi so mbi toto na mo.
2 Tongana mbi toto na mo ti mû maboko na mbi, mä mbi,
na ngoi so mbi yôro maboko ti mbi na mbage ti kubu so ayeke kâ na yâ ti ndo ti mo so ayeke nzoni-kue.+
3 Hon na mbi pëpe legeoko na azo ti sioni, azo so ayeke sara ye so ayeke sara sioni na zo,+
azo so atene tënë ti siriri na amba ti ala, me so sioni ye ayeke na yâ ti bê ti ala.+
4 Kiri na ala peko ti ye so ala sara,+
a lingbi na asioni ye so ala sara.
Kiri na ala peko ti kusala ti maboko ti ala,
a lingbi na ye so ala sara,+
5 ndali ti so ala bi bê ti ala pëpe na akusala ti Jéhovah+
nga na kusala ti maboko ti lo.+
Lo yeke kinda ala, na lo yeke yô ala na nduzu pëpe.
6 Zia a sepela Jéhovah,
ndali ti so lo mä mbi tongana mbi toto na lo ti tene lo mû maboko na mbi.
7 Jéhovah ayeke ngangu ti mbi+ nga vala ti mbi.+
Mbi zia bê ti mbi na ndö ti lo.+
Lo mû maboko na mbi, na bê ti mbi ayeke na ngia,
tongaso mbi yeke sepela lo na bia ti mbi.
8 Jéhovah ayeke ngangu ti azo ti lo,
lo yeke ngangu gbagba so asara kota ye ti sö zo ti lo so lo soro lo.+
9 Sö azo ti mo, na iri tënë nzoni na ndö ti héritage ti mo.+
Bâ lege ti ala tongana berger ti ala, na yô ala na maboko ti mo lakue.+