HUNDA 1
Nzapa ayeke zo wa?
“Zia si azo ahinga so, mo so iri ti mo ayeke Jéhovah, Mo oko la mo yeke Lo so ayeke na nduzu na ndö ti aye kue, na ndö ti sese kue.”
“Zia ala hinga so Jéhovah ayeke Nzapa. Lo la lo sara e, na e yeke ti lo.”
“Mbi yeke Jéhovah. So ayeke iri ti mbi la; mbi yeke mû gloire ti mbi na mbeni zo pëpe. Nga gonda so a yeke gonda na mbi, mbi yeke mû ni pëpe na ayanda so a leke ni na kode.”
“A yeke sö ande zo kue so adi iri ti Jéhovah.”
“Biani, da oko oko kue, mbeni zo la asara ni, me zo so asara aye kue ayeke Nzapa.”
“Ala yô lê ti ala na nduzu ala bâ ndo. Zo wa la asara aye so na lê ti nduzu so zo wa? A yeke lo so amû yanga na ala ti tene ala sigi gbani gbani alingbi na wungo ti ala. Lo iri ala kue na iri ti ala. So ngangu ti lo ayeke kota mingi nga amû mbeto na zo, mbeni oko na popo ti ala amanke pëpe.”