HUNDA 10
Bible amû zendo wa ndali ti kekereke?
“Sese ayeke ga ande ye ti azo ti mbilimbili, na ala yeke ngbâ na ndö ni lakue lakue.”
“Sese ayeke ngbâ kpu na kpu.”
“Lo yeke mene ande kuâ biaku biaku, Jéhovah, Seigneur ti dunia kue, ayeke mbô ngu ti lê na lê ti azo kue.”
“Na ngoi ni so, lê ti awaziba ayeke zi, nga azo so mê ti ala akanga ayeke mä ndo. Na ngoi ni so, azo so gere ti ala abuba ayeke huru tongana lekpa, nga azo so yanga ti ala akanga ayeke dekongo na ngia. Ngu ayeke sigi na ngangu na yâ ti benyama, nga angu ayeke sua na yâ ti kpangbala ndo so ayeke na yâ ti désert.”
“Lo yeke mbô ande ngu ti lê kue na lê ti ala, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe. Angbene ye ni ahon ti ala awe.”
“Azo ayeke leke ada, na ala yeke lango na yâ ni, nga ala yeke fâ ayaka ti vigne, na ala yeke te lengo ni. Ala yeke leke da si mbeni zo nde alango dä pëpe; nga ala yeke lu ye si mbeni zo nde ate ni pëpe. Fini ti azo ti mbi ayeke ninga tongana ti keke, nga azo so mbi soro ala ayeke wara ngia na yâ ti kua so ala sara na maboko ti ala.”