HUNDA 18
Mo lingbi ti ga nduru na Nzapa tongana nyen?
“Mo so mo yeke mä sambela, mara ti azo nde nde kue ayeke ga ande na mbage ti mo.”
“Zia bê ti mo kue na ndö ti Jéhovah; zia bê ti mo pëpe na ndö ti hingango ndo ti mo wani. Na yâ ti aye kue so mo sara, bi bê ti mo na ndö ti lo, na lo yeke sara si alege ti mo aga nzoni.”
“Ti wara fini ti lakue lakue, a lingbi ala gi ti hinga mo, mo oko tâ Nzapa, nga na lo so mo tokua lo, Jésus Christ.”
“Ti tâ tënë ni, [Nzapa a]yeke yongoro pëpe na e oko oko kue.”
“Ye so mbi ngbâ ti sambela ndali ni ayeke ti tene ndoye ti ala angbâ gï ti wu mingi ahon ti kozo legeoko na tâ hingango ye nga na kode ti bango yâ ti aye nzoni.”
“Tongana ndara amanke mbeni zo na popo ti ala, zia lo ngbâ ti hunda ni na Nzapa, ngbanga ti so Nzapa ayeke mû ye mingi na azo kue na lo yeke suku ndali ni pëpe; na a yeke mû ni na lo.”
“Ala ga nduru na Nzapa, lo yeke ga ande nduru na ala. Ala sukula maboko ti ala, ala awasiokpari, na ala sukula bê ti ala, ala so bê ti ala ayeke use use na ndö ti ye so ala ye ti sara.”
“Ndoye ti Nzapa ayeke so: e bata acommandement ti lo; me acommandement ti lo ayeke ye so ane pëpe.”