Ye ti Manda 8

Awato ti Nzapa Ayeke Zo Wa?

Kota wato ti Nzapa ayeke Satan Diable. Lo yeke mbeni zo ti yingo so alondo giriri ti ke yanga ti Jéhovah. Satan angbâ lakue ti tiri na Nzapa na ti ga na akpale mingi na azo. Satan ayeke sioni mingi. Lo yeke wamvene na wafango zo.—Jean 8:44.

Ambeni zo ti yingo amu la ni peko ti Satan ti ke yanga ti Nzapa. Bible ahiri ala ayingo sioni. Legeoko na Satan, ayingo sioni ayeke awato ti azo. Ala ye ti sala sioni na azo. (Matthieu 9:32, 33; 12:22) Fade Jéhovah ayeke futi Satan na ayingo sioni ti lo teti lakue lakue. Ngoi angbâ na ala gi kete ti ga na wusuwusu na azo.—Apocalypse 12:12.

Tongana mo ye ti duti ndeko ti Nzapa, a lingbi mo sala pepe ye so Satan aye mo sala. Satan na ayingo sioni ake Jéhovah. Ala yeke awato ti Nzapa, na ala ye ti sala si mo nga mo ga wato ti Nzapa. A lingbi mo soro zo wa mo ye ti nzere na lo: Satan wala Jéhovah. Tongana mo ye ti wara fini ti lakue lakue, a lingbi mo soro ti sala ye so bê ti Nzapa aye. Satan ayeke na amayele nga na alege mingi ti handa na azo. Lo yeke handa azo mingi laso.—Apocalypse 12:9.