Ye ti Manda 16

Fa na Gigi Ndoye ti Mo Teti Nzapa

Ti bata mbeni kamarade, a lingbi mo sala tene na lo. Mo mä lo, na nga lo mä mo. Mo sala nga nzoni tene ti kamarade ti mo na ambeni zo. Ti duti ndeko ti Nzapa ayeke legeoko tongaso. Ba ye so Bible atene na ndo ni:

Sala tene lakue na Jéhovah na yâ ti sambela. “I zia ti sambela pepe.”—aRomain 12:12.

Diko Tene ti Nzapa so ayeke Bible. “Ambeti kue alondo na yanga ti Nzapa, na a yeke nzoni ti fa nda ti ye, ti zingo na azo, ti leke ye na lege ni.”—2 Timothée 3:16, NW.

Fa ye na ambeni zo na ndo ti Nzapa. “Tongaso i gue, i sala si azo na popo ti amara kue aga adisciple, . . . i fa na ala ti bata ye kue so mbi komande na i.”—Matthieu 28:19, 20, NW.

Ga ndulu na andeko ti Nzapa. “Zo so atambela na awandara, fade lo ga zo ti ndara.”—aProverbe 13:20, NW.

Gue na abungbi na Da ti Royaume. “Zia e bi bê na ndo mba na popo ti e ti wa tele ti duti na ndoye nga na anzo kusala, . . . na wango tele na popo ti e.”—aHébreu 10:24, 25, NW.

Mu maboko na kusala ti Royaume. “Zia azo oko oko kue amu ye tongana bê ti ala aye, na vundu pepe, wala na forcé pepe; teti Nzapa andoye zo so amu matabisi na ngia.”—2 aCorinthien 9:7.