Eskê mbi lingbi awe?
Eskê mbi lingbi awe ti fa tënë legeoko na congrégation?
Peut-être mo lingbi awe ti ga mbeni wafango tënë so ade awara batême ape tongana . . .
Lakue mo manda Bible, mo sambela nga mo gue na abungbi ti congrégation.
Mo ye aye so mo yeke manda, mo mä na bê na ni nga mo duti na nzara ti fa ni na azo.
Mo ye Jéhovah nga mo sara kamarade na azo so aye lo.
Mo yeke pëpe membre ti mbeni bungbi ti poroso wala ti vorongo nzapa ti wataka.
Mo sara ye alingbi na andia ti Jéhovah nga mo ye ti ga Témoin ti Jéhovah.
Tongana mo bâ so mo lingbi awe ti fa tënë legeoko na congrégation, tene na ita so ayeke manda Bible na mo, lo lingbi ti leke ti tene mo wara terê na a-ancien so ayeke sara lisoro na mo ti fa na mo aye so mo peut ti sara.
Eskê mbi lingbi awe ti wara batême?
Peut-être mo lingbi awe ti wara batême tongana . . .
Mo yeke wafango tënë so ade awara batême ape.
Mo yeke fa tënë lakue alingbi na ngangu ti mo.
Mo yeke mû maboko na “ngbâa be-ta-zo so ayeke sara ye na ndara” nga mo sara ye tongana ti so ala fa.—Matthieu 24:45-47.
Mo mû terê ti mo na Jéhovah na yâ ti sambela awe nga mo ye ti sara na lo lakue lakue.
Tongana mo bâ so mo lingbi awe ti wara batême, tene na ita so ayeke manda Bible na mo, lo lingbi ti leke ti tene mo wara terê na a-ancien so ayeke sara lisoro na mo ti fa na mo aye so mo peut ti sara.