Kode ti mandango Bible na zo na yâ ti Ngbâ na fini lakue lakue!

Kozo na mandango ye ni

1. 

   1. Leke terê ti mo nzoni. Na ngoi so mo yeke sara ni, gbu li na ndö ti abezoin ti zo so mo yeke manda Bible na lo, dutingo ti lo nga na bango ndo ti lo. Gbu li na ndö ti atënë so apeut ti duti ngangu na lo ti mä yâ ni wala ti sara ye alingbi na ni. Bâ tongana nyen la aye so ayeke na mbage “Gi nda ti ye” apeut ti mû maboko na zo so mo yeke manda ye na lo nga duti nduru ti sara kua na ni na ngoi ti étude ni tongana bezoin ni ayeke dä.

Na ngoi ti mandango ye ni

1. 2. Komanse mandango ye ni nga hunzi ni na sambela tongana zo ni aye.

2. 

   3. Diko gbâ ti tënë ape. Ngbâ gï na ndö ti ye so ala yeke manda nga zia zo ni afa atënë ti bê ti lo.

3. 4. Tongana ala komanse mbeni fini mbage, diko kota tënë ni nga sara tënë na ndö ti li ti tënë ti ambeni ye ti manda ni.

4. 5. Tongana ala hunzi mbeni mbage awe, sara kua na mbage dango bê ti aidé zo ni ti dabe ti lo na atâ tënë so lo manda.

5. 6. Na ngoi ti mandango ye oko oko:

   1. Diko aparagraphe ni.

   2. Diko aversê kue so a zia na terê ni “Diko.”

   3. Diko nga ambeni versê nde tongana bezoin ni ayeke dä.

   4. 

      Bâ avidéo kue so a zia dä “Zia vidéo ni” (tongana mo yeke na ni).

   5. Hunda wamandango ye ni na ahunda ni kue.

   6. Hunda na zo ni ti bâ afoto so ayeke na mbage “Gi ti hinga ye mingi,” nga hunda na lo ti sara tënë na ndö ni.

   7. Sara kua na mbage “Gi ti sara ye so” ti aidé zo ni ti bâ tongana nyen la lo yeke gue na li ni. Mo peut ti wa lo ti sara ye so a fa wala ti sara mbeni ye nde.

   8. Hunda na zo ni wala mbeni article wala vidéo so ayeke na mbage “Gi nda ti ye” anzere na lo na ngoi so lo yeke leke ye ti manda ni.

   9. Sara kue ti hunzi mbeni ye ti manda na ngoi ti mandango ye ni.

Na peko ti mandango ye ni

1. 

   7. Ngbâ ti pensé na zo so mo yeke manda ye na lo. Sambela Jéhovah ti aidé lo ti gue na li ni nga ti mû na mo ndara ti hinga tongana nyen ti aidé lo.