Kota Bungbi ti Ngu Oko Oko 6 octobre 2001

FADE a yeke sala Kota Bungbi ti ngu oko oko ti awayinda ti Watch Tower Bible and Tract Society of Pennsylvania na lango 6 ti nze ti octobre ngu 2001, na Da ti Assemblée ti aTémoin ti Jéhovah, 2932 Kennedy Boulevard, Jersey City, New Jersey. Mbeni kozo bungbi ayeke duti ande dä na 9 h 15 gi teti amembre ni, na pekoni a yeke sala Kota Bungbi ti ngu oko oko na 10 h 00.

E tisa azo ti bungbi ni, so agbian adresse ti ala na ngu so ahon ti fa ni fadeso na Ndokua ti Wakuasu tongaso si ala lingbi wara ambeti ti tisango na zo nga na mbeti so amu lege na ala ti ga na bungbi ni na nze ti juillet.

A lingbi a kiri na Ndokua ti Wakuasu ti Société ambeti so amu lege na ala ti ga, so a yeke tokua na azo ti bungbi ni legeoko na ambeti ti tisa na azo, kozoni na lango 1 ti nze ti août wala na lango ni so. A lingbi zo oko oko ti bungbi ni asû ye kue so a hunda na yâ mbeti so amu lege na ala ti ga na atokua ni hio ti fa tongana lo yeke ga ande na bungbi ni wala pepe. A lingbi a gbian pepe atene so asû na yâ ti mbeti so amu lege na ala ti ga, teti a yeke mu lege ti hinga na wungo ti azo so ayeke ga ande.

A leke ti tene a hunzi bungbi ni kue, so andu nga aye so aba tambelango ti bungbi ni nga dikongo atondo, na 13 h 00 wala ngoi kete na pekoni. A yeke sala ande bungbi na peko ti midi pepe. Teti so ando ti duti ayeke mingi pepe, azo ayeke lï gi tongana ala yeke na mbeti ti lingo ni. A leke pepe ti vunga peko ti kota bungbi ni na lege ti singa.