Kasete vidéo so aleke ni ti ndu bê ti amaseka

A WA lani amaseka mingi ti bi bê ngangu na ndo tambela ti ala tongana ala yeke bâ kasete vidéo Les jeunes s’interrogent: Comment se faire de vrais amis? a A yeke wara na yâ kasete vidéo ni kpengba wango ti Bible, atënë ti bê ti amaseka so ayeke Chrétien, na mbeni drame ti ngoi ti e so asala ngangu na ndo zo, so aluti na ndo mbaï ti Dina so awara na yâ ti Bible (Genèse chapitre 34). Atënë so ge na ndo kasete vidéo ni alondo na Mexique.

Martha atene: “Kasete vidéo ni agbu bê ti mbi ngangu. Mo bâ mo tene a sala ni tâ gi tënë ti mbi. Mbi pensé ti mbi so lani tongana awafango mbeti nga na akamarade ti mbi ti ekole ahinga so mbi yeke mbeni Témoin ti Jéhovah, andâ a lingbi awe. Mbi fa ni na ala na gigi pëpe. Mbi kiri singila na Jéhovah teti asango kue so lo mû, mbilimbili tongana tënë ni andu bê ti e mingi tongana ti so kasete vidéo so asala.”

Juan Carlos atene: “Kasete vidéo so apusu mo biani ti gbu li. Tongana mbeni maseka, mbi yeke na ambeni girisango lege na mbi lingbi ti bâ ambeni salango ye ti mbi na yâ ti drame ni. A sala angu mingi awe, mbi yeke na mara ti salango ye use. Ye oko, mbi bâ so mara ti salango ye tongaso alingbi ti ga na aye ti sioni na pekoni. Na peko ti bango kasete vidéo ni, mbi leke na bê ti mbi ti duti be-ta-zo na Jéhovah.”

Sulem atene: “Na ngoi so mbi bâ lani vidéo ni, a ndu tâ bê ti mbi mingi. Kozoni, mbi zia ti diko Bible, na mbi yeke sambela Jéhovah mingi pëpe. Tongana mbi mä atënë so amaseka ni atene na yâ vidéo ni, ye so apusu mbi ti kiri ti to nda ti manda Bible na ti kiri ti sambela Jéhovah.”

Laso amaseka ayeke na gbele gbâ ti akpale nga fani mingi, sorongo akamarade ti ala alingbi ti sala ngangu mingi na ndo lege so ala yeke sala na ye na yâ fini ti ala (Psaume 26:4; aProverbe 13:20). Kasete vidéo Les jeunes s’interrogent: Comment se faire de vrais amis? ayeke mû maboko na amaseka mingi ti mû anzoni desizion na ndo atënë so.

[Kete tënë na gbe ni]