Atokua

◼ Ambeti ti fa na mars: Hingango Ye So Ague na Fini ti Lakue Lakue. Fade e sala kue ti to nda ti amandango Bible. Avril na mai: Tour ti Ba Ndo na Réveillez-vous!. Tongana e kiri ti sala afini vizite si e wara ambeni zo so asala nzala ti tënë, zia e fa brochure Ahunda na ala, ti to nda ti amandango Bible. Juin: Ye Wa Nzapa Ahunda na E? wala Hingango Ye So Ague na Fini ti Lakue Lakue.Tongana azo ni ayeke na ambeti so awe, e lingbi ti fa na ala ambeni brochure so kongregation ayeke na ni.

◼ A lingbi aita so aye ti sala kusala ti pionnier auxiliaire na nze ti avril aleke tele ti ala fadeso na asû demande ti ala hio kozoni. Salango tongaso ayeke mû maboko na a-ancien ti leke aye so alingbi teti fango tënë, na ti leke wungo ti apériodique na ambeti so alingbi. A lingbi a diko na gbele kongregation iri ti azo kue so a yeda na ala ti mû kusala ti pionnier auxiliaire na nze oko oko.

◼ Fade a yeke sala Mémorial na jeudi, lango 28 ti nze ti mars ngu 2002. Tongana kongregation ti i ayeke na bungbi na jeudi ni so, a lingbi a zia ni na mbeni lango nde na yâ yenga ni, tongana Da ti Royaume ni ayeke senge. Tongana lege ayeke dä pëpe, ayeke nzoni ti yôro ande na yâ kapa ti Bungbi ti Kusala ti peko ambeni mbage ti bungbi ni so andu kongregation.

◼ Filiale ayeke bâ pëpe lege ti ambeti so awakua oko oko ahunda ni na lo. Fade surveillant-président ayeke bâ lege ti tene kozoni si atokua komande ti ambeti ti kongregation na filiale a lingbi nze oko oko a sala tënë ni na ngoi ti akete tënë. Tongaso a yeke mû ande lege na ala kue so aye ti wara ambeti teti ala mveni ti sala tënë ni na ita so abâ lege ti ambeti. A lingbi i dabe i na ambeti so e lingbi ti wara ni na lege ti demande so a sala ni nde.

◼ Mbeni bungbi ti azo 20 wala mingi ahon so alingbi ti gue ti sala vizite na filiale. Me kozoni, a yeke nzoni ti tokua mbeti na biröo ti filiale ni. A yeke nzoni ti fa wungo ti azo so ayeke ga, lango ni, nga na ngoi so ala yeke ga. Kozo ti gue ti sala vizite ni, a yeke nzoni i kiri i bâ Akiringo Tene na Ahundango Tene ti I na yâ Kusala ti Royaume ti septembre 1998. Kâ, a sala tënë na ndo yungo bongo na lege ni, nga lekengo tele tongana zo aye ti gue ti sala vizite na Béthel. A hunda na azo kue so ague ti sala vizite na Béthel ti sala ye alingbi na atënë so.

◼ A lingbi fadeso ti wara Tour ti Ba Ndo na yanga ti Efik, Igbo nga na Yoruba. (Kota Gere ni)