Sala kusala na mbeni kode so alingbi na zo oko oko kue — BIBLIOTHÈQUE NA NDÖ TI INTERNET Watchtower

Sala kusala na mbeni kode so alingbi na zo oko oko kue

Bingo bê ti e na ambeni zo ayeke pusu e ande ti tara ti bâ ye so atia ala na ti fa na ala tongana nyen Royaume ti Nzapa ayeke ga ande na tâ yorö ti akpale so ala yeke wara ni (aPhil. 2:4). Mbeni kode ti fango tënë so alingbi na azo oko oko kue na so awafango tënë abâ so alë lengo ayeke ti tisa zo ni ti sala tënë na ndo afoto ti Paradis so ayeke na yâ ti ambeti ti e, tongana ti so a fa ni na mbage ti koti ti lembeti so. Mo lingbi ti sala kusala na mbeni oko ti ala so ayeke na gbe ni ge:

◼ “Mo pensé so fade e yeke bâ lâ oko pëpe mbeni sewa so aduti na ngia tongana ti so a fa na yâ foto so ge?”

◼ “E kue e ye si amolenge ti e aduti na yâ mara ti ndo so a fa na yâ foto so ge. Ti mo, a hunda nyen ti sala si ye so aga tâ tënë?”

◼ “So ayeke foto ti ye so sese alingbi ti duti ni ande na ngoi so a sala na sese ye so bê ti Nzapa aye tongana ti so a sala na yayu. Mo bâ na yâ foto ni mbeni ye so ayeke nde na fini ti e ti laso?”

◼ “Mo ye ti duti na yâ ti mara ndo so a fa ni na yâ foto so? [Zia zo ni akiri tënë.] Mo pensé so ye so ayeke si ande na ngoi ti e?”

Dengi mê nzoni na kiringo tënë ti zo ni. Na lege ti mbeni hundango tënë oko wala use, na nzobe sigigi na tënë so ayeke na yâ bê ti lo. Tongana ambeni zo atene so ala ye pëpe ti duti na yâ mara ti ando so ayeke na yâ foto ni so wala so ala mä na bê pëpe so mbeni ye tongaso alingbi ti ga tâ tënë, tene hio pëpe so ala ye ti mä tënë ni pëpe. Na kode gi ti hinga ngbanga ti nyen ala bi bê ti ala tongaso. Kiringo tënë ti ala alingbi ti fa na gigi kota bingo bê ti ala ndali ti akpale so azo ayeke luti na gbele ni, so gi na bango ni a lingbi ti leke ni pëpe.—Ezéch. 9:4.

Tongana mo bâ ye so agbu bê ti zo ni awe, leke tënë ti mo ni alingbi na ni. Gboto lê na ndo mbeni mbage ti tënë ti Royaume so andu tâ gi ye so agbu bê ti lo, na fango na lo versê oko wala use so asala tënë na ndo ni. (Bâ atënë so ayeke na mbage ti koti.) Zia lo mveni lo bâ ye so Tënë ti Nzapa atene. Tongana lo fa na gigi nzara ti tënë ni, zia mbeni mbeti na maboko ti lo na leke ti kiri ti bâ lo. Kiri na ndo kozo lisoro ni ti tene nzara ti tënë ni akono na bê ti lo.

[Kete tënë na lembeti 6]

Atapande ti afoto na ndo Paradis

Buku Création: lembeti 237, 243, 251

Buku Wafango ye: lembeti 251-254

Buku Hingango Ye: lembeti 4-5, 188-189

Brochure Ahunda: lembeti 11, 13

Buku Tâ siriri: lembeti 98

Buku Tâ Nzapa: lembeti 92-93

[Kete tënë na lembeti 6]

Atënë so agbu bê ti azo

Bê so anze

Psaume 34:9;