Atokua
◼ Ambeti ti fa na janvier: Abuku kue so a sara ni kozo na ngu 1991 so kongregation ayeke na ni. Tongana i yeke na abuku so pëpe, i bâ na mbeni kongregation so ayeke nduru na i wala ala yeke na angbene buku so mingi, si i lingbi ti hunda ambeni ti sara na kusala. Akongregation so ayeke na angbene buku pëpe alingbi ti fa buku Hingango ye wala brochure I lango pëpe! Février: Ga ndulu na Jéhovah. Tongana buku so ayeke dä pëpe, mo lingbi ti sara kusala na buku Révélation: dénouement. Mars: Bible afa nyen biani? I sara ngangu kue ti to nda ti étude ti Bible. Avril: I fa Tour ti Ba Ndo na Réveillez-vous!
◼ Ti to nda ni na nze ti février, me ti hon lango 4 ti mars pëpe, fade fini diskur ti asurveillant ti circonscription ayeke so: “Fini sese ti Nzapa: fade zo wa aduti dä?”
◼ A sû ambeti ti e na yanga ti Chinois na akode use. Mingi ti azo ti Hong Kong na ti Taïwan ahinga ti diko tâ Chinois ni, so fä ni ayeke CH. Me ti mingi ti tanga ti aChinois ni, ala yeke diko Chinois so a yapu atënë ni, so fä ni ayeke CHS. Teti so kamba ayeke pëpe na popo ti yanga ti Cantonais, ti Mandarin wala mbeni yanga nde so mbeni zo ayeke tene na mbeti so lo yeke diko, a yeke nzoni ti hinga so wa lo ye. Ala lingbi ti sara kusala na brochure Une bonne nouvelle pour des gens de toutes nations, na lembeti 19-20 ti soro popo ni. Na lege so, ala yeke hinga mbilimbili mbeti ti hunda.
◼ A lingbi akongregation aleke tere ti sara Mémorial ti ngu so na lundi lango 12 ti nze ti avril na peko ti lindango ti lâ. Atâa so diskur ti Mémorial alingbi ti to nda ni kozo, a lingbi hongo na mapa nga na vin ato nda ni gi na peko ti lindango ti lâ. I bâ ngbonga ti lindango ti lâ na ndo so i yeke dä. Atâa so a yeke nzoni teti kongregation oko oko ti leke Mémorial ti lo mveni, a lingbi ti duti lakue tongaso pëpe. Na ndo so akongregation mingi ayeke sara bungbi na yâ Da ti Royaume oko, a yeke peut-être nzoni kongregation oko wala mingi na popo ni asara matanga ni na mbeni ndo nde na lakui ni so. E wa i, tongana lege ayeke dä, ti zia kamême apenze-ngbonga 40 na popo ti abungbi ni ti tene azo kue asara lisoro na peko ti Mémorial ni. A lingbi a bâ tënë ti tambelango ti akutukutu, ando ti lutingo ti akutukutu nga akutukutu so ayeke ga gi ti zia azo wala ti mû ala. A lingbi bungbi ti a-ancien amû desizion na ndo aye so ayeke nzoni mingi teti kongregation.
◼ A lingbi asecrétaire ti kongregation abâ wala ala yeke na mbeti Lettre de nomination de pionnier (S-202) teti apionnier permanent kue so kongregation ayeke na ni. Tongana ala yeke na lettre ni pëpe, a yeke nzoni ala sû mbeti ndali ni na filiale.