Ye ti tene na ndo ti apériodique

Tour ti Ba Ndo 1 décembre

“A yeke ngangu na azo mingi ti tingbi tënë ti Nzapa ti ndoye na tënë ti pasi ti zo kpunakpu na yâ ti enfer ti wâ. Bibe ti mo ayeke so wa? [Zia zo ni akiri tënë.] Bible afa polele so Nzapa ayeke sioni pëpe na lo yeke nga zo so ayeke nduru ti futa kula pëpe. [Diko Ezéchiel 18:23.] A yeke nzere ande na mo mingi ti bâ aversê so afa tënë na ndo ni na yâ ti mbeti so.”

Réveillez-vous! décembre

“Na yâ ti nze ti décembre, azo mingi ayeke gonda Jésus. Ti gue oko na versê so, ti mo, tâ nzoni lege ti gonda lo ayeke so wa? [Diko Jean 14:15. Na pekoni zia zo ni akiri tënë.] Azo ahinga mbilimbili lango ti dungo Jésus pëpe, na fade bê ti mo ayeke dö ti hinga ndani so azo asoro lango 25 ti décembre ti sara matanga ti Noël.” Bâ article so ato nda ni na lembeti 10.

Tour ti Ba Ndo 1 janvier

“Na ndo ti sese kue, azo ayeke na abango ndo nde nde na ndo ti Marie, mama ti Jésus. Bibe ti mo ayeke ti lo tongana nyen? [Zia so ni akiri tënë.] Bible afa so Marie asara mbeni kota ye na yâ ti mbaï ti azo. [Diko Luc 1:30-32.] Mbeti so afa ye so e lingbi ti manda na ndo ti Marie.”

Réveillez-vous! janvier

“Mingi ti angu ti sese ayeke hule na azo kutu mingi awara nzoni ngu ti nyongo ni pëpe. Mo bâ so zo alingbi ti leke kpale so biaku biaku? [Zia zo ni akiri tënë. Na pekoni diko Jérémie 10:23.] Mbeti so asara tënë ti oko yorö ti hunzi na akpale so biaku so a fa na yâ ti Bible.”