Akota ye so a sara na fango tënë

◼ A yeke biani ye ti kota ngia mingi ti bâ ngangu so aita ti e ti kodoro ti Niger asara ti mû maboko na azo ti wara hingango ye na ndo ti Nzapa so ayeke gue na zo na fini ti lakue lakue. Atâa so mingi ti azo ti kodoro ni aye ti mä tënë so aita ni yeke fa pëpe, awafango tënë 297 nga na apionnier akangbi apériodique 5171 na azo ti kodoro ni. Ala yeke fa tënë ti témoin ndali ti amara.—Mat. 24:14.

◼ Na yâ ti anze so ahon, aye ti wusuwusu ayengi kodoro ti République Centrafricaine. Filiale azia na sese hio mbeni Komité ti mungo maboko na aita mingi so aye ti ngangu so aga na peko ti akpale so atï na ndo ti ala. Na mbage, aita so ayeke adocteur so alondo na France nga na Congo Kinshasa ayeda na bê ti ala wani ti ga ti sava aita ti e so ayeke na kobela. E kiri biani singila na Jéhovah ndali ti so lo yeke fa lege na e nga lo yeke bata e na yâ ti angoi ti ngangu.—Ps. 46:2-4.