Na fango tënë, sara kua na ngangu so tënë ti Nzapa ayeke na ni
Tongana mbeni zo ayeda ti mä nzoni tënë, a lingbi e sara kua nzoni na lege so azi na e nga e sara kua na ngangu so Tënë ti Nzapa ayeke na ni na lege so e yeke diko aversê na yâ ti Bible. Na ngoi ti kota bungbi ti lango oko ti ngu so ahon so, a luti lani mingi na ndo ti tënë so. Surveillant ti circonscription amû lani mbeni diskur so mama-tene ni ayeke “Na fango tënë, sara kua na ngangu so tënë ti Nzapa ayeke na ni.” Mo dabe ti mo na akota tënë ti yâ ti diskur ni?
• Tënë ti Jéhovah ayeke na ngangu mingi ahon tënë ti yanga ti e ngbanga ti nyen?—2 Tim. 3:16, 17.
• Tongana nyen la Bible ayeke ndu bê ti zo, ayeke leke bango ndo ti zo, ayeke sara si zo ayeke na nzoni bibe, ayeke changé aye so zo amä na bê dä nga ayeke sara ngangu na ndo ti asarango ye ti tere ti zo? Bâ Tour ti Ba Ndo ti 15 juin 2012, l. 27, par. 7.
• Tongana e diko versê na mbeni zo na fango tënë, e yeke sara tongana nyen ti gboto lê ti lo na ndo ti Tënë ti Nzapa na mbeni lege so asara si lo bâ ni na nene ni? Bâ buku Ekole ti Kusala, l. 148, par. 3-4 nga na Kusala ti Royaume ti mars 2013, l. 6, par. 8.
• Ngbanga ti nyen a yeke nzoni ti tene aversê so e diko ni na zo e fa ndani nga e pika patara na ndo ni? E yeke sara ni tongana nyen?—Kus. 17:2, 3; bâ buku Ekole ti kusala, l. 154. par. 4 ti si na l. 156, par. 5.