Akota ye so a sara na fango tënë

Na Centrafrique, a yeke sigigi na Tour ti Ba Ndo, abuku, abrochure nga na avidéo na yanga ti Sango. A yeke kiri nga na peko ti ambeti ti e na yanga ti Gbaya mbeni yanga ti kodoro so a yeke tene ni na mbage ti do ti kodoro ni. Na novembre 2014, a zia mbeni antenne ti traduction na Kelo na Tchad ti kiri na peko ti ambeti ti e na yanga ti Lele. A yeke kiri nga na peko ti ambeti ti e na yanga ti Moundang, Ngambaye, nga na Sar. Na Cameroun, kua ti traduction ague na li ni hio mingi. Na hunzingo ti août 2014, na peko ti so a formé ala awe, a zia na sese ndali ti kete ngoi mbeni équipe use ti traduction na yanga ti Pidgin mbeni yanga ti kodoro so a yeke tene ni na Cameroun. Ti si na hunzingo ti septembre ala kiri peko ti atract miombe, abrochure ota nga na avidéo osio. Na janvier 2015, a zia na sese ambeni équipe ti traduction osio. Ambeni yanga ti kodoro ni ayeke gue nga na li ni. Ayanga ti kodoro tongana Bassa, Boulou nga na Douala ayeke fadeso na a-équipe ti traduction use use. Akota kua so ayeke sara si tâ hingango ye awu na azo kue ahinga ni.—Daniel 12:4.