Maï akode ti fango tënë ti mo: Fango tënë na mbeni zo so ayeke tene mbeni yanga ti kodoro nde

Ndani so a yeke kota ye: Jéhovah aye nzoni duti ti azo ti “amara kue” na lege ti yingo (Kus. 10:34, 35). Ni la, Jésus afa lani so a lingbi a fa nzoni tënë na “ndo ti sese kue so azo ayeke dä” nga na “amara kue.” (Mat. 24:14). Na lege ti prophétie, Zacharie afa so azo ti “yanga nde nde kue ti amara” ayeke yeda na nzoni tënë ni (Zach. 8:23). Ti gue oko na suma so bazengele Jean abâ, azo so ayeke sö ande kuâ na ngoi ti kota ye ti vundu ayeke azo so ‘alondo na popo ti amara kue, akete mara kue, azo ti kodoro kue, ayanga ti kodoro kue’. (Apoc. 7:9, 13, 14). Ti gue oko na tënë so, tongana e wara mbeni zo so ayeke tene mbeni yanga ti kodoro nde, a lingbi e sara kue ti fa tënë na lo.