GIGI TI E TI CHRÉTIEN
Lege ti ga zo so ayeke manda Bible nzoni
Mo ye ti duti be-ta-zo na yâ ti tara tongana Daniel? Daniel amanda lani Mbeti ti Nzapa nzoni, même aprophétie so ndani alï mingi (Dan 9:2). Mandango Bible nzoni alingbi ti mû maboko na mo ti duti be-ta-zo. Na lege wa? A peut ti kpengba mabe ti mo so azendo ti Jéhovah ayeke ga tâ tënë (Jos 23:14). A peut nga ti mû maboko na mo ti ndoye Nzapa mingi ahon ti kozo, ndoye ni so ayeke pusu mo ti sara ye so ayeke na lege ni (Ps 97:10). Me a lingbi mo komanse tongana nyen? Bâ ambeni ye so mo lingbi ti sara.
Nyen la a lingbi mbi manda? Mbeni nzoni mandango ye lakue andu lekengo abungbi. Dikongo Bible ti yenga na yenga ayeke ga na ye ti nzoni mingi tongana mo mû ngoi ti gi nda ti atënë so mo mä yâ ni ape. Nga, ambeni zo asoro ti manda ye mingi na ndö ti aprophétie ti Bible, ambage nde nde ti lengo ti yingo ti Nzapa, avoyage ti bazengele Paul ti missionnaire wala même aye so Jéhovah acréé. Tongana lâ oko oko mo yeke pensé na mbeni hunda ti Bible, sû ni nga manda ye na ndö ni na étude ti mo ti peko.
Mbi yeke wara asango na ndo wa? Bâ vidéo Aye ti sarango na recherche ti wara anzoni ye so ayeke na yâ ti Bible ti wara ambeni wango. Ti hinga ngangu ti gbungo nda ti ye ti mo, gi ti hinga akodro so akomande dunia kue so a haka ala na anyama so a sara tënë ti ala na Daniel chapitre 7.
Ngoi oke la a lingbi mbi mû ti manda na ye? Ti duti na nzoni songo na Nzapa, a yeke kota ye ti manda ye lakue. Ti komanse, mo lingbi ti mû gï kete ngoi; yeke yeke tongana bezoin ni ayeke dä, mo lingbi ti manda ye aninga. Mandango Bible ayeke tongana gingo mosoro so a honde; tongana mo wara amosoro ni mingi, mo yeke ye mingi ti gi ni (aPr 2:3-6). Mo yeke ye Mbeti ti Nzapa mingi, nga mandango ni lâ oko oko ayeke ngbâ ti duti ye so mo yeke sara ka lakue.—1Pi 2:2.
ANYAMA SO A SARA TËNË NI NA DANIEL CHAPITRE 7 ADUTI FÄ TI NYEN?
MBENI HUNDANGO TËNË NDE:
Tongana nyen la Daniel 7:8, 24 aga tâ tënë?
NA YÂ TI ÉTUDE TI MO TI PEKO:
Anyama so a sara tënë ni na Apocalypse chapitre 13 aduti fä ti nyen?