Ye so afa polele so Jéhovah asara tufa na ndö ti bungbi ti lo

8:6-9, 12; 9:1-5, 23, 24

Na ngoi ti ziango Aaron na amolenge ti lo na kua ti prêtre, Jéhovah asara si wâ agbi kozo sandaga so a zö ni agbi kue. Ye so afa so Jéhovah amû maboko na ala nga lo yeda na ziango ala na kua ti prêtre ni. Tongaso, Jéhovah awa azo ti Israël so ayeke lani dä na ngoi ni so ti mû maboko mingi na aprêtre ni. Laso, Jéhovah ayeke sara kua na Jésus Christ so awara gloire tongana Kota Prêtre so ahon atanga ni kue (aHb 9:11, 12). Na ngu 1919, Jésus asoro mbeni kete groupe ti aita-koli so a soro ala ti gue na yayu ti ga “ngbâa be-ta-zo so ayeke sara ye na ndara.” (Mt 24:45). Nyen la afa polele so Jéhovah asara tufa na ndö ti ngbâa be-ta-zo so, lo mû maboko na lo nga lo yeda na lo?

• Atâa ye ti ngangu so angbâ lakue ti sara na ngbâa be-ta-zo, lo ngbâ lakue ti mû na e aye so asara si mabe ti e akpengba

• Tongana ti so Bible atene kozo awe, a ngbâ laso ti fa nzoni tënë na ndö ti “sese kue so azo ayeke dä.”​—Mt 24:14

Tongana nyen la e lingbi ti mû maboko mingi na ngbâa be-ta-zo so ayeke sara ye na ndara?