YENGA TI 7-13 OCTOBRE
PSAUME 92-95
Bia 84 na sambela | Atënë ti tongo nda ni (pn. 1)
1. Ti sara na Jéhovah ayeke tâ pendere ye mingi ti sara na yâ ti gigi ti e!
(pn. 10)
Jéhovah alingbi ti tene e voro lo (Ps 92:1, 4; w18.04 l. 26 par. 5)
Lo aidé azo ti lo ti soro aye nzoni na ti duti na ngia (Ps 92:5; w18.11 l. 20 par. 8)
Lo bâ na nene ni azo so ayeke sara na lo même na ngoi so ala ga mbakoro (Ps 92:12-15; w20.01 l. 19 par. 18)
HUNDA TERÊ TI MO: ‘Nyen la akanga lege na mbi ti mû terê ti mbi na Jéhovah na ti wara batême?’
2. Gi anzoni ye so ayeke na yâ ti Bible
(pn. 10)
Ps 92:5—Tongana nyen la atënë so afa pendere mingi ndara ti Jéhovah? (cl l. 176 par. 18)
Anzoni ye wa la mo wara na yâ ti dikongo Bible ti yenga so, so mo ye ti fa ni?
3. Dikongo Bible
(pn. 4) Ps 94:1-23 (th point 5)
4. Tongo nda ti mbeni lisoro
(pn. 4) FANGO TËNË NA ALEGE KUE SO AZI. Gi ti wara mbeni lege ti fa na zo ni kua so mo yeke sara ti manda Bible na azo. (lmd ye ti manda 5 point 3)
5. Sarango avizite
(pn. 3) FANGO TËNË NA ALEGE KUE SO AZI. Hunda ti manda Bible na mbeni zo so kozo ake ni. (lmd ye ti manda 8 point 4)
6. Sarango adisciple
(pn. 5) Sara lisoro na mbeni wamandango Bible so ague na li ni ape. (lmd ye ti manda 12 point 5)
Bia 5
7. Tongana gingo bê ahon ndö ti amaseka
(pn. 15) Lisoro.
Azo so ayeke sara na Jéhovah ayeke wara agingo bê. Na tapande, David ayeke lani na agingo bê na angoi nde nde na yâ ti gigi ti lo, na mingi ti aita ti e laso nga ayeke na ni (Ps 13:2; 139:23). Mawa ni ayeke so, même amaseka nga kue apeut ti gi bê ti ala. Na ambeni ngoi, gingo bê apeut ti sara si aye so ala yeke sara lâ na lâ, na tapande guengo na ekole wala guengo na abungbi ti e, akpa aye so ahon ndö ti ala. A peut ti sara si li ti ala aga kirikiri wala ala pensé ti fâ terê ti ala.
Amaseka, tongana asi so ala bâ so gingo bê ahon ndö ti ala, ala fa ni na babâ wala mama ti ala wala na mbeni zo so akpengba. Ala gi nga ti hunda na Jéhovah ti aidé ala (aPh 4:6). Lo yeke aidé ala (Ps 94:17-19; És 41:10). Zia e bâ tapande ti Steing.
Zia VIDÉO Jéhovah abâ lege ti mbi. Na pekoni hunda atënë so:
• Versê wa la a-aidé lani Steing? Ngbanga ti nyen?
• Tongana nyen la Jéhovah abâ lege ti lo?
Ababâ na amama, ala peut ti aidé amolenge ti ala ti hon ndö ti gingo bê tongana ala kanga bê ala mä ala, ala fa so ala ye ala nga ala aidé ala ti duti na confiance so Jéhovah aye ala (Tt 2:4; Jac 1:19). Ala sara confiance na Jéhovah ti mû na ala dengo bê nga na ngangu so ala bezoin ni ti aidé amolenge ti ala.
E peut ti hinga ape ngoi so mbeni zo na yâ ti congrégation ayeke na kota gingo bê wala ti hinga asentiment ti lo. Me, e peut ti aidé na lege so e sara si azo kue na yâ ti congrégation abâ so e ndoye ala.—aPr 12:25; aHb 10:24.
8. Mandango Bible ti Congrégation
(pn. 30) bt chap. 16 par. 6-9, encadré na l. 132