YENGA TI 12-18 MAI

APROVERBE 13

Bia 34 na sambela | Atënë ti tongo nda ni (pn. 1)

ANZONI YE SO AYEKE NA YÂ TI BIBLE

1. Zia “lampe ti azo ti sioni” ahanda mo ape

(pn. 10)

Azo ti sioni ayeke na beku ape ndali ti kekereke (aPr 13:9; w03 15/9 l. 24 par. 5-6)

Ga pëpe kamarade ti azo so asara si asioni ye akpa anzoni ye (aPr 13:20; w12 15/7 l. 12 par. 3)

Jéhovah asara tufa na ndö ti zo ti mbilimbili (aPr 13:25; w04 15/7 l. 31 par. 5)

Afoto: Haka asioni ye so mbeni koli so ayeke Témoin ape asoro ti sara na anzoni ye so aita-koli use so ayeke aTémoin asoro ti sara. 1. Mbeni koli ayeke dodo na yâ ti mbeni boîte de nuit na samba na maboko ti lo. 2. Terê ti lo ason na pekoni na lo nyon yorö. 3. Aita-koli na aita-wali ayeke sara ngia na gigi na lakui. Aita-koli use ayeke he bia na ngia, ala yeke dodo nga ala yeke te ye ndo oko. 4. Na ndade ni, ala yeke fa tënë. — Azo so asara kue ti wara aye ti sese ayeke na tâ ngia ape. Me ala so asara ye so bê ti Jéhovah aye ayeke na tâ ngia na yâ ti gigi ti ala

2. Gi anzoni ye so ayeke na yâ ti Bible

(pn. 10)

aPr 13:24—Nyen la versê so afa na e na ndö ti ndoye nga na fango lege? (w21.02 l. 5 par. 13)

Kiringo tënë ti mo
Anzoni ye wa la mo wara na yâ ti dikongo Bible ti yenga so, so mo ye ti fa ni?

Kiringo tënë ti mo

3. Dikongo Bible

(pn. 4) aPr 13:1-17 (th point 10)

MAÏ AKODE TI FANGO TËNË TI MO

4. Tongo nda ti mbeni lisoro

(pn. 3) DA NA DA. Gï so mo komanse ti sara lisoro na mbeni zo na ndö ti mbeni ye so asi ade ti ninga ape, mo bâ so mbeni tënë nde la agbu bê ti lo, changé lisoro ni na mbeni tënë ti Bible so alingbi na lo. (lmd ye ti manda 2 point 5)

5. Tongo nda ti mbeni lisoro

(pn. 4) FANGO TËNË NA ALEGE KUE SO AZI. Tisa zo ni ti ga na bungbi. (lmd ye ti manda 2 point 3)

6. Diskur

(pn. 5) lmd Ambeni tënë: Mbage A point 9—Li ni: Ye ayeke ga nzoni na amolenge so ane ababâ na amama ti ala nga amä yanga ti ala. (th point 16)

GIGI TI E TI CHRÉTIEN

Bia 77

7. “Lumière ti azo ti mbilimbili aza ngangu”

(pn. 8) Lisoro.

Tâ hingango ye nga na tâ ndara ayeke na yâ ti Mbeti ti Nzapa. Tongana e sara ye alingbi na ye so e manda na yâ ni, e yeke duti na ngia mingi nga e yeke duti nzoni. A yeke mbeni ye so dunia apeut ti mû na e ape.

Mbeni scène ti vidéo “Dunia apeut ape ti mû na mo ye so lo yeke na ni ape.” Ita-wali Gainanshina aduti na yâ ti mbeni yaka lo yeke bâ lê ti nduzu.

Zia VIDÉO Dunia apeut ape ti mû na mo ye so lo yeke na ni ape. Na pekoni hunda tënë so:

Fa tongana nyen la ye so asi na ita-wali Gainanshina afa so “Lumière ti azo ti mbilimbili” ayeke nzoni mingi ahon “lampe ti azo ti sioni”?—aPr 13:9

Kiringo tënë ti mo

Buba lâ oko ape ngoi ti mo ti imaginé aye ti dunia so wala ti regretté adesizion ti mo so amû lege na mo ti sara na Jéhovah (1Jn 2:15-17). Me zia li ti mo na ndö ti “hingango ye [so mo wara,] so mbeni ye ti hon ni ayeke dä pëpe”.—aPh 3:8.