TI MÛ MABOKO NA ASEWA | MARIAGE

Eskê e doit ti vivre ensemble kozo si e sara mariage?

Mingi ti azo ayeke vivre ensemble kozo ti tene ala sara mariage. Ambeni ayeke sara tongaso ndali ti so ala ye ti gi ti bâ wala asarango ye ti ala ague oko nga ala pensé so tongana ala vivre ensemble kozo ti tene ala mariage, a yeke sara si ala duti na ngia na yâ ti mariage ti ala. Eskê ti vivre ensemble kozo ti sara mariage ayeke sarango ye na lege ti ndara la?

Na yâ ti article so e yeke bâ:

Bible atene nyen na ndö ni?

Bible ake ti tene azo abungbi koli na wali kozo na mariage. Na tapande, Bible atene: “Ala gbanzi terê ti ala na lango-sioni.” (1 aThessalonicien 4:3; 1 aCorinthien 6:18). Ye so andu mbeni koli na wali so asara mariage ape so ayeke vivre ensemble, même si ala bâ so ala yeke sara mariage ande.a Amama-ndia ti Bible ayeke aidé mbeni zo ti tene lo wara pëpe akpale so ayeke ga tongana azo avivre ensemble kozo ti sara mariage, na tapande, ngo nga na ambeni sioni ye ni nde.
Nzapa la azia gere ti mariage na sese. Na temps so lo zia gere ti mariage na sese, lo tene: “Koli ayeke zia ande babâ na mama ti lo, lo yeke ngbâ ande na terê ti wali ti lo na ala yeke ga terê oko.” (Genèse 2:24). Tongana mbeni koli na wali amû zendo ti duti be-ta-zo na mba na yâ ti mariage ti ala, a yeke sara si ala yeke ye terê nga sewa ti ala ayeke duti nzoni.

Eskê ti vivre ensemble kozo ti sara mariage ayeke aidé mo ti bâ so mo yeke prêt awe ti sara mariage?

Ambeni zo atene en. Ala pensé so ti hinga mba, a yeke nzoni ala sara akua ti yanga-da legeoko tongaso si ala peut ti hinga asarango ye ti mba ti ala ni. Me, mbeni kota ye so ayeke sara si azo aduti na ngia na yâ ti mariage ti ala ayeke ti tene ala sara ye alingbi na zendo so ala mû.

Tongana nyen la azo so apensé ti sara ande mariage apeut ti ngbâ na terê ti mba na angoi so ye ayeke nzoni wala sioni? Tongana mbeni koli na mbeni wali avivre ensemble kozo ti sara mariage na ala bâ so ayeke tongana mbeni temps ti essai so ala peut ti kangbi na ngoi kue, a yeke pëpe ye so la ayeke sara si ala duti na ngia. Me, songo ti mbeni koli na wali ayeke kpengba tongana ala sara ye alingbi na zendo so ala mû nga tongana ala sara kua maboko na maboko la ayeke aidé ala ti hon ndö ti akpale so ala wara.

Bata tënë so: Azo so avivre ensemble kozo ti tene ala sara mariage apeut ti si so ala yeke kangbi terê ahon ti tene ala sara mariage ande.

Mama-ndia ti Bible: “Ye so mbeni zo ayeke lu, gï ni la lo yeke ko ni ande.”—aGalate 6:7.

Eskê ti vivre ensemble kozo ti sara mariage ayeke aidé mo ti bata nginza?

Ambeni zo atene en. Mbeni gingo nda ti ye so a sara na État-Unis afa so tongana a mû azo 100 so avivre ensemble kozo ti sara mariage, ala 40 atene so, so ala sara tongaso amû lege na ala ti bata nginza. Me, na peko ti so ala vivre ensemble teti ambeni ngoi, mingi ti azo ni atene so ala yeke prêt ape ti sara mariage ndali ti so ala yeke na kpale ti nginza.

Ti vivre ensemble kozo ti sara mariage apeut ti ga na ambeni kpale, surtout na awali. Na tapande, tongana ala ke terê, mingi ni ayeke awali la ayeke bata amolenge ni.

Wali so a fa fade foto ti lo aduti na lo gbu li ti lo nga lo yô mbeni bébé so ayeke toto. Koli ni aquitté da ni na lo yô carton ti ambeni ye ti lo.

Bata tënë so: Akpale so ayeke ga na peko ti so azo avivre ensemble kozo ti sara mariage apeut ti duti mingi ahon aye ti nzoni so ala peut fade ti wara.

Mama-ndia ti Bible: “Mbi Jéhovah, mbi yeke Nzapa ti mo. Mbi la mbi yeke fa ye na mo ti tene mo bâ nzoni dä.”—Ésaïe 48:17.

Eskê ti vivre ensemble kozo ti sara mariage ayeke aidé mo ti sara mariage na mbeni nzoni zo?

Ambeni zo atene en. Me, mbeni mbeti (Fighting for Your Marriage) atene: “Mingi ni, azo so avivre ensemble kozo ti sara mariage aga ti bâ so asarango ye ti ala ague oko ape.” Ngbanga ti nyen? Ambeni apeut ti bâ so asarango ye ti ala ague oko ape ndali ti so ala yeke na mbeni nyama so ala doit ti bâ lege ti lo legeoko, ala use kue ayeke na mbeni bon na li ti ala wala awali ni amû mbeni ngo so ala ye ni fade ape. Ni la, azo ti gingo nda ti ye abâ so, so azo ni angbâ ensemble ayeke gï ndali ti so ala ye ti vivre ensemble nga ala peut ti sara ambeni changement ape so ayeke ga na aye ti nzoni na ala.b Ti tene ni na mbeni fason nde, mbeti ni akiri atene so “ambeni zo so ake terê kozo ti sara mariage, na fin ni ala yeke sara mariage na mbeni zo nde gï ndali ti so ala bâ so ni la ayeke sara si ala ngbâ ensemble”.

Bata tënë so: Tongana mo bâ so ti vivre ensemble kozo ti sara mariage la ayeke aidé mo ti wara mbeni nzoni zo, a peut ti sara si séparation ni ayeke duti ngangu mingi.

Mama-ndia ti Bible: “Zo so lê ti lo ahan abâ kpale, na lo honde terê ti lo, me azo so ahinga ndo mingi pëpe ague gï guengo na lê ni, na ala wara ye ti peko ni.”—aProverbe 22:3.

Eskê a yeke nzoni desizion la?

Mo peut ti kpe akpale so azo ayeke wara ndali ti so ala vivre ensemble kozo ti sara mariage nga lege ayeke dä ti tene mo sara ande mbeni mariage so ayeke sara si mo duti na ngia. Na lege wa? Na sarango ye alingbi na aye so Bible afa na ndö ti mariage. Mû temps ti gi ti hinga zo so mo ye ti tene mo na lo asara mariage kozo ti tene mo na lo avivre ensemble. A yeke nzoni zo so mo soro lo ti tene mo na lo asara mariage aduti mbeni zo so bango ndo ti mo nga na aye so mo mä na bê na ni ague oko na ti lo ahon ti mû mbeni zo so aye mo gï ndali ti bungbingo koli na wali.

A yeke wara na yâ ti Bible, awango so apeut ti aidé mo ti tene mo duti na ngia na yâ ti mariage ti mo nga ti tene sewa ti mo aduti nzoni.c Na tapande, na yâ ti Bible ayeke wara amama-ndia so apeut ti aidé mo ti . . .

duti be-ta-zo na koli wala wali ti mo
duti na asarango ye so ayeke mû lege na mo ti duti mbeni nzoni koli wala mbeni nzoni wali
hinga so zo ni apeut ti duti mbeni nzoni zo ape ndali ti mo

Ti hinga aye mingi na ndö ti tënë so, gue na mbage “Mariage nga na sewa” na ndö ti jw.org.

Mama-ndia ti Bible: “Atënë kue ti yâ ti Mbeti ti Nzapa, a sû ni na gbe ti yingo ti Nzapa, na a yeke nzoni ti fa na ye na zo.”—2 Timothée 3:16.

a Bâ article “L’amour justifie-t-il les relations sexuelles avant le mariage ?”

b From the article “Sliding Versus Deciding: Inertia and the Premarital Cohabitation Effect,” by Scott Stanley, Galena Kline Rhoades, and Howard Markman, published in the journal Family Relations.

c Na ambeni ndo, mingi ni, a yeke ababâ na amama la ayeke soro mbeni koli wala mbeni wali ti tene molenge ti ala asara mariage na lo. Na mbeni mbage, Bible apeut ti aidé ababâ na amama ti hinga asarango ye ti zo so aye ti mû molenge ti ala.