Nyen la mo peut ti sara tongana a hunda ti tene mo sigi na ndo ti mo ape?

Mo bâ so mo yeke gï mo oko na akpa mo bâ mo tene mo yeke na kanga? Tongana a yeke tongaso, peut-être pensé ti mo ague oko na ti mbeni zo ti sungo psaume so atene lani atene: “Mbi yeke tongana ndeke so aduti gï lo oko na li ti mbeni da.” (Psaume 102:7). Awango ti ndara so ayeke na yâ ti Bible apeut ti aidé mo tongana mo yeke na yâ ti mara kpale ni so.

Kpengba songo ti mo na Nzapa

Même tongana mo peut ti sigi ape na ndo so mo yeke dä, mo peut ti duti na ngia tongana mo hinga so mo yeke na bezoin ti hinga Nzapa nga na pekoni mo sara effort ti hinga lo (Matthieu 5:3, 6). Bâ ambeni ye so apeut ti aidé mo la na mo yeke futa nginza ndali ni ape.

Mbeni Bible na ndö ti internet so zo apeut ti sara confiance na ni na so ayeke ngangu ape ti diko ni
Anduru vidéo na ndö ti ambeni ye so Bible afa
“Akiringo tënë na ahunda na ndö ti Bible”: Na yâ ti mbage so mo yeke wara akiringo tënë ti Bible na mingi ti ahunda so azo ayeke hunda
“Sara ye na mabe tongana ti ala”: Mbage so ayeke mû lege na mo ti hinga ye na ndö ti fini ti akoli nga na awali so angbâ be-ta-zo na Nzapa so Bible asara tënë ti ala
“Hasard ou conception”: Mbage so ayeke fa tongana nyen la aye so Nzapa acréé ayeke pendere mingi nga apika bê ti zo

Diko aversê ti Bible so adë bê ti zo

Aversê ti Bible so ayeke ga na peko so adë bê ti azo mingi. Ahon ti diko aversê ni gï na loro loro, mû ngoi so mo yeke ngbâ na yanga-da so ti gbu li ti mo na ndö ti versê oko oko nga ti sambela.—Marc 1:35.

Gi ti hinga ndani so aye ti sioni ayeke si laso na yâ ti dunia

Atâa akpale wa la mo tingbi na ni, mo lingbi ti hon ndö ni tongana mo hinga ngbanga ti nyen la aye ti sioni ayeke si nga tongana nyen la Nzapa ayeke zi ande ni.—Ésaïe 65:17.

Gi bê ti mo senge senge ape

A-article so ayeke na gbe ni so ayeke aidé mo ti tiri na agingo bê so mo wara ndali ti so mo peut ti sigi na ndo ti mo ape nga ti ‘zia ti gi bê ti mo.’—Matthieu 6:25.

Gi ti sara kamarade

Sarango kamarade apeut ti aidé mo ti bâ ye polele nga ti duti na ngia, na a yeke encore même kota ye mingi tongana mo peut ti tingbi terê na azo ape. Tongana mo peut ti sigi na ndo so mo yeke dä ape, mo peut ti sara appel vidéo wala senge appel ti ngbâ ti kpengba songo ti mo na akamarade ti mo nga ti wara afini ni. A-article so ayeke ga na peko so ayeke aidé mo ti wara akamarade nga ti tene mo wani mo duti mbeni “tâ kamarade” ndali ti amba ti mo.—aProverbe 17:17.

Sara sport

Bible atene so “tarango terê na lege ti ngia ti awanguru ayeke sara nzoni na zo.” (1 Timothée 4:8). A peut ti aidé mo ti gbu li ti mo nzoni nga ti duti na ngia mbilimbili tongana a hunda na mo ti sigi na ndo ti mo ape. Même tongana mo peut ti sigi na ndo so mo yeke dä ape, ambeni ye ayeke dä so mo peut ti sara ti duti gï place oko ape.