Mo peut ti ga zo ti ndara
“Atënë kue ti yâ ti Mbeti ti Nzapa, a sû ni na gbe ti yingo ti Nzapa”. (2 Timothée 3:16). Na yâ ti versê so, tënë “gbe ti yingo” aye ti fa so Nzapa so ngangu ti lo ahon angangu kue la afa apensé ti lo na azo so asû Bible lani.
Nzapa aye ti tene mo wara ye ti nzoni na lege ti ndara ti lo
“Mbi Jéhovah, . . . Mbi la mbi yeke fa ye na mo ti tene mo bâ nzoni dä. Mbi la mbi yeke fa na mo lege so a yeke nzoni mo mû ni. Tongana fade mo dengi mê na acommandement ti mbi, ka siriri ti mo ayeke ga tongana kota ngu, mbilimbili ti mo ayeke duti tongana amapo ti ngu-ingo.”—ÉSAÏE 48:17, 18.
Mo peut ti bâ atënë so tongana tisango ndo so Nzapa wani la atisa mo. Lo ye ti tene mo wara siriri ti bê na mo duti na ngia lakue, nga lo peut ti aidé mo ti wara ni.
Mo peut ti wara ndara ti Nzapa
“A lingbi a fa nzoni tënë na amara kue.”—MARC 13:10.
“Nzoni tënë” andu azendo so Jéhovah amû ti hunzi pasi, ti sara si sese aga paradis, ti kiri na fini azo so e ye ala so akui. A-Témoin ti Jéhovah ayeke fa tënë ti azendo ti Bible so na ndö ti sese kue.