Asarango ye wa la Jésus ayeke na ni?

Tongana e manda ye na ndö ti atënë so Jésus atene nga na aye lo sara na ngoi so lo yeke lani na sese, e yeke hinga asarango ye ti lo so ayeke sara si e ga nduru mingi na lo nga na Babâ ti lo Jéhovah. Ambeni pendere sarango ye ti lo ayeke so wa? Tongana nyen la e lingbi ti sara ye tongana Jésus na yâ ti gigi ti e?

1. Na yâ ti aye wa la Jésus ayeke tongana Babâ ti lo?

Na yayu, Jésus abâ Babâ ti lo so asara ye na ndoye nga lo manda ye na terê ti lo na yâ ti angu milliard mingi. A sara si lo yeke pensé nga lo yeke sara ye tâ gï tongana lo. (Diko Jean 5:19.) Jésus asara ye tâ gï tongana Babâ ti lo, ni la lo tene: “Zo so abâ mbi abâ nga Babâ awe.” (Jean 14:9). Tongana mo manda ye na ndö ti asarango ye ti Jésus, mo yeke hinga Jéhovah nzoni mingi. Na tapande, so Jésus ayeke bâ mawa ti azo afa tongana nyen la Jéhovah ayeke pensé mingi na ndö ti mo.

2. Tongana nyen la Jésus afa so lo ye Jéhovah?

Jésus atene: “Ti tene dunia ahinga so mbi ndoye Babâ, mbi yeke sara gï tongana ti so Babâ amû yanga na mbi ti sara.” (Jean 14:31). Na ngoi so Jésus ayeke lani na sese, lo fa kota ndoye so lo yeke na ni na mbage ti Babâ ti lo na lege so lo mä yanga ti lo atâa na ngoi so a yeke ngangu na lo ti sara ni. Jésus aye nga lani mingi ti sara tënë ti Babâ ti lo na azo nga ti mû maboko na ala ti ga akamarade ti Lo.​—Jean 14:23.

3. Tongana nyen la Jésus afa so lo ye azo?

Bible atene so “azo la [Jésus aye] ala mingi.” (aProverbe 8:31, kete tënë na gbe ni.) Lo fa so lo ye ala na lege so lo kpengba ala nga lo mû maboko na ala ahon ti pensé gï na lo wani. Lo sara lani amiracle so afa so lo yeke na ngangu nga so lo bâ mawa ti azo (Marc 1:40-42). Lo sara ye lani na azo na nzoni bê nga lo sara kangbi na popo ti ala ape. Atënë ti lo adë bê ti azo kue so amä lo, so aye ti sara ye na lege ni, nga a mû na ala beku. Jésus ayeda lani na bê ti lo ti bâ pasi nga ti kui ndali ti so lo ye azo kue. Me lo ye mingi azo so asara ye alingbi na afango ye ti lo.​—Diko Jean 15:13, 14.

GI TI HINGA AYE MINGI

4. Jésus aye Babâ ti lo

Tapande ti Jésus afa na e tongana nyen la e lingbi ti fa so e ye Nzapa. Diko Luc 6:12 nga na Jean 15:10; 17:26. Na peko ti so mo diko aversê so awe, kiri tënë na hunda so alingbi na versê oko oko:

• Na tapande ti Jésus, tongana nyen la e lingbi ti fa so e ye Jéhovah?

6. Jésus amû ye mingi na azo

Jésus amû lani ye mingi na azo, atâa so lo yeke na aye ti sese mingi ape, nga lo wa e ti mû ye mingi na azo. Diko Kusala 20:35, na pekoni kiri tënë na hunda so:

• Ti Jésus, nyen la alingbi ti sara si e duti na ngia?

Zia VIDÉO ni, na pekoni kiri tënë na hunda so:

VIDÉO: “Mungo ye na zo aga na ngia mingi”​—Mbage ni (4:00)

• Na ambeni lege wa la e lingbi ti mû ye na azo, même tongana e yeke na aye ti sese mingi ape?

Mo hinga?

Bible afa na e ti sambela Jéhovah na iri ti Jésus. (Diko Jean 16:23, 24.) Tongana e sambela na iri ti Jésus, e yeke fa so e hinga aye so Jésus asara ti mû maboko na e ti ga akamarade ti Jéhovah.

NA NDURU TËNË

Jésus aye Jéhovah, nga lo ye azo. So Jésus ayeke tongana Babâ ti lo, tongana mo gi ti hinga lo nzoni, mo yeke hinga Jéhovah nzoni mingi.

Dango bê

• Tongana nyen la e peut ti fa so e ye Jéhovah, tongana ti so Jésus aye lo?

• Tongana nyen la e peut ti fa so e ye azo, tongana ti so Jésus aye ala?

• Sarango ye ti Jésus wa la mo ye ni mingi?

GI NDA TI YE

Bâ ambeni sarango ye ti Jésus so e lingbi ti mû tapande ni.

“Ti sara ye tongana ti Jésus, duti . . .” (Jésus: Lege ni, tâ tënë na fini, lembeti 317)

Bâ ndani so a lingbi e sambela na iri ti Jésus.

“Ngbanga ti nyen la a lingbi e sambela na iri ti Jésus?” (A sigi na yâ ti Tour ti Ba Ndo ti lango 1 ti février 2008, na Français)

Eskê Bible asara tënë na ndö ti yongo ti Jésus, konongo ti lo nga na pendere ti lo?

“Jésus ayeke lani tongana nyen?” (Article na ndö ti site)

Nyen la e lingbi ti manda na lege ti fason so Jésus asara ye na mbage ti awali?

“Nzapa aye ti tene a ne awali” (A sigi na yâ ti Tour ti Ba Ndo ti lango 1 ti septembre 2012, na Français)