SARANGO AVIZITE
YE TI MANDA 8
Kanga bê
Mama-ndia ni: “Ndoye ahinga ti kanga bê ti ku.”—1 aCor. 13:4.
Ye so Jésus asara lani
1. Bâ VIDÉO ni, wala diko Jean 7:3-5 nga na 1 aCorinthien 15:3, 4, 7. Na pekoni kiri tënë na ahunda so:
Na tongo nda ni, aita ti Jésus ti koli asara ye tongana nyen tongana lo fa tënë na ala?
Nyen la afa so Jésus angbâ lani ti gi ti aidé ita ti lo Jacques?
Tapande ti Jésus afa na e nyen?
2. E doit ti kanga bê ndali ti so a hunda ngoi mingi na ambeni zo ti yeda na nzoni tënë.
Sara ye tongana Jésus
3. Tara mbeni kode nde. Tongana zo ni ayeda hio ape ti manda Bible, forcé lo ape. Tongana a yeke nzoni ti sara ni, sara kua na avidéo wala a-article ti aidé lo ti hinga ye so ayeke passé na ngoi ti mandango Bible nga tongana nyen la lo peut ti bâ nzoni dä.
4. Haka zo ni na mbeni zo nde ape. Azo ayeke nde nde. Tongana mbeni fami ti mo wala mbeni zo so mo sara vizite na lo asara mbeto ti manda Bible wala ti yeda na mbeni fango ye ti Bible, gi ti hinga ndani. Eskê mbeni ye so lo mä na bê na ni agbu bê ti lo mingi? Eskê afami wala avoizin ti lo la apusu lo ti ke tënë ni? Zia ngoi na lo ti gbu li na ndö ti tënë so mo tene na lo nga ti bâ ye so Bible atene na nene ni.
5. Sambela ndali ti mbeni zo so asara nzara ti tënë ni. Hunda na Jéhovah ti aidé mo ti ngbâ ti duti na nzoni bango ndo nga ti sara ye na nzoni bê. Sambela ti bâ yâ ti ye nzoni tongaso si mo hinga ngoi wa la a yeke nzoni mo zia ti gue ti bâ mbeni zo so abâ tâ tënë na nene ni ape.—1 aCor. 9:26.