KIRINGO TËNË NA AHUNDA TI AZO

Ndali ti nyen si siriri amanke na yâ ti dunia so?

Bible afa akota raison ni use. Kozoni, atâa so azo ayeke sara anzoni ye, a leke ala ti fa lege na gere ti ala wani ape. Use ni, aye so azo ayeke leke ayeke tï gi na ngu ngbanga ti so “dunia so kue ayeke na gbe ti Zo ti sioni”, Satan Zabolo. Ni la, a-effort kue so azo ayeke sara alingbi ti ga na siriri na ndo ti sese ape.​—Diko Jérémie 10:23; 1 Jean 5:19.

Siriri amanke nga na yâ ti dunia ngbanga ti kion ti bê ti azo nga na nzara ti ala ti warango gbâ ti aye. Gi mbeni gouvernement oko so akomande dunia kue nga so ayeke fa na azo ti sara ye mbilimbili nga ti pensé na amba ti ala si alingbi ti ga na siriri na ndo ti sese mobimba.​—Diko Ésaïe 32:17; 48:18, 22.

Zo wa la ayeke ga ande na siriri na ndo ti sese zo wa?

Nzapa ti Ngangu Ahon Kue amû zendo ti zia mbeni gouvernement oko so ayeke komande na ndo ti azo kue. Gouvernement ni so ayeke mû place ti agouvernement ti azo (Daniel 2:44). Jésus, Molenge ti Nzapa, la ayeke komande tongana Mokonzi ti Siriri. Lo yeke hunzi asioni ye kue na ndo ti sese nga lo yeke fa lege ti siriri na azo.​—Diko Ésaïe 9:5, 6; 11:4, 9.

Ti ku na ngoi ni so, laso Jésus ayeke fa lege na azo kutu na kutu na ndo ti sese mobimba ti tene ala sara kua na Bible ti fa na azo tongana nyen ti duti na siriri na amba ti ala. Na yâ ti kete ngoi, siriri ayeke mû yâ ti dunia kue.​—Diko Ésaïe 2:3, 4; 54:13.