Atënë so i hunda

◼ Ye nyen a lingbi ti zia na ndo tableau teti asango na Da ti Royaume?

Tableau teti asango, so ayeke na Da ti Royaume ayeke mû ka asango na ndo akusala ti kongregation. A lingbi a zia mbeni ye kâ oko pëpe sân ti tene surveillant-président ayeda na ni.

Ambeni ye so a lingbi ti zia na lê ti tableau so alingbi ti duti: programme ti Bungbi ti Kusala nga na ti Ekole ti Kusala ti aChrétien nga na molongo ti adevoir, programme ti akota diskur so a leke ti mû, président ti adiskur so nga na awadikongo Tour ti Ba Ndo, azo so ayeke na yâ Mandango Buku nde nde ti kongregation nga na aplace ni, ndulu mbeti so afa lawa si surveillant ti circonscription ayeke ga ande na yâ kongregation ni, nga na ambeni sango nde na ndo vizite ti lo, sango na ndo akota bungbi so ayeke ga, nga programme ti sukulango Da ti Royaume. Ngoi na ngoi Société ayeke hunda na a-ancien ti zia ambeni lettre wala ambeni ye nde na ndo tableau ni. Tongana mbeni ye nde asi, fade bungbi ti a-ancien ayeke bâ wala a lingbi ti zia ni na ndo tableau ni.

Na ngoi ti mbeni oko ti abungbi, a lingbi ti sala mbeni ndulu tokua na ndo tënë ti mariage, so a leke ti sala na Da ti Royaume. Me a yeke sû tënë ni pëpe na mbeti, ti zia na ndo tableau so. Na mbage, tongana ambeni ita na popo ti ala aye ti bungbi tele ti sala ngia, a yeke na lege ni pëpe ti zia mbeti ni na ndo tableau so, teti tënë ni andu pëpe akusala ti kongregation.​—Bâ La Tour de Garde, ti 15 juillet 1984, lembeti 15.

A lingbi a bata si tableau teti asango aduti na saleté pëpe, na ayeke mbeni ye so apusu zo ti bi lê dä. A yeke nzoni akono mingi si ambeti so a sala tënë ni ge alingbi ti duti dä. A lingbi a lungula fade fade aprogramme wala ambeni ye nde so kongregation ahinga ni awe. Tongana akongregation mingi ayeke bungbi na yâ ti da oko, a lingbi kongregation oko oko aduti na ti lo tableau ni nde, na a hinga ni polele, wala mbeni mbage ti tableau ni. Wango so e lingbi ti mû ayeke so, a lingbi surveillant-président, wala mbeni zo so ayeke na gbe ti fango lege ti lo, abi lê ngoi na ngoi na ndo tableau ni ti bâ wala ambeti so ayeke na ndo ni ayeke afini ni, ayeke na lege ni, na ayeke nzoni.