Kangbingo Mä Kota Wafango ye

◼ “Mo bâ so sese ayeke duti ande mbeni nzoni ndo tongana azo aduti na fini alingbi na tënë so? [Diko Matthieu 7:12a. Na pekoni zia zo ni akiri tënë.] Buku so ayeke na gbâ ti aye ti manda so alondo na kota wafango ye so ahon atanga ni kue.” Gboto lê na ndo afoto nga na akete tënë so ayeke na tele ni na chapitre 17.

◼ “Mingi ti ababâ na mama laso ayeke gi ti yôro yeke yeke na yâ amolenge ti ala anzoni salango ye. Mo bâ so ye so ayeke kota ye? [Zia zo ni akiri tënë. Na pekoni diko aProverbe 22:6.] Bâ so a wa ababâ na mama ti to nda ti fa ye na amolenge ti ala na ngoi so ala de kete. A leke buku so ti mû maboko na ala ti sala ye so.” Gboto lê na ndo afoto nga na akete tënë so ayeke na tele ni na chapitre 15, 18 wala 32.

◼ “Mingi ni, li ti ababâ na mama ayeke kpe ndali ti atënë so amolenge ti ala ayeke hunda. A yeke ngangu ti kiri tënë na ambeni ti ahundango tënë so, ni la? [Zia zo ni akiri tënë. Na pekoni diko 2 Timothée 3:14, 15.] Mama na âta ti Timothée ti wali afa na lo ye so Mbeti ti Nzapa atene na ngoi so lo de kete. Buku so alingbi ti mû maboko na ababâ na mama ti sala oko ye so teti amolenge ti ala laso.” Gboto lê na ndo ambeni foto nga na akete tënë so ayeke na tele ni na chapitre 11 na 12, wala 34 ti si na 36.