BIBLIOTHÈQUE NA NDÖ TI INTERNET Watchtower
Watchtower
BIBLIOTHÈQUE NA NDÖ TI INTERNET
Sango
  • BIBLE
  • AMBETI
  • ABUNGBI
  • km 9/04 l. 1
  • Bata lê ti mo nzoni

Vidéo ayeke na yâ ti mbage ni so ape.

Pardon, mbeni kpale asi na ngoi ti zingo vidéo ni.

  • Bata lê ti mo nzoni
  • Kusala ti Royaume—2004
  • Ambeni mbeti nde na ndö ti oko tënë ni
  • Lê ti mo abâ ye nzoni?
    Kusala ti Royaume—2010
  • Tënë so a tene “lê na place ti lê” aye ti tene nyen?
    Bible atene ti lo nyen
  • Dango bê ti Kota Bungbi ti Lango Oko
    Kusala ti Royaume—2005
  • Fini kapa ti kota bungbi ti lango oko
    Kusala ti Royaume—2005
Bâ ambeni ye ni
Kusala ti Royaume—2004
km 9/04 l. 1

Bata lê ti mo nzoni

1. Ti duti na lê so ayeke nzoni aye ti tene nyen, na ngbanga ti nyen a yeke kota ye?

1 Na yâ Fango ye ti lo na ndo ti Hoto, Jésus agboto lê na ndo kota ngangu so lê ti e ti yingo ayeke sala na yâ fini ti e kue. Lo tene: “Tongaso, tongana lê ti mo ayeke nzoni, fade tele ti mo kue asi na lumière. Me tongana lê ti mo aga sioni, fade tele ti mo kue asi na bingo.” (Mat. 6:22, 23). Lê so ayeke nzoni ayeke lê so abâ ndo gi na ndo ye oko: salango ye so bê ti Nzapa aye, pëpe na salango si agingo bê mingi ti aye ti mitele agboto ni (Mat. 6:19-21, 24-33). Ye nyen alingbi ti mû lege na e ti bata mbeni lê so ayeke nzoni?

2. Na ndo aye ti mitele, bango ndo wa Mbeti ti Nzapa awa e ti duti na ni?

2 E wara ngia na yâ ye so e yeke na ni: Ti tene zo abata sewa ti lo nzoni ayeke kungba so Mbeti ti Nzapa amû na lo (1 Tim. 5:8). Me so ahunda pëpe ti tene e bi tele ti e na yâ gingo lakue afini kungba (aProv. 27:20; 30:8, 9). Nde na so, Mbeti ti Nzapa awa e mingi ti wara ngia na “kobe na bongo” so e yeke na ni, aye so a hunda ti bata zo na fini (1 Tim. 6:8; aHéb. 13:5, 6). Mango nzoni wango so alingbi ti mû maboko na e ti bata lê ti e gi na ndo ye so ayeke nzoni.

3. Ye wa alingbi ti mû maboko na e ti kpe ti ga na akpale na ndo ti e mveni?

3 E yeke sala ye na ndara ti kpe ti ga na akpale na ndo ti e mveni na lege ti salango abon nga na warango akungba mingi, wala tombango peko ti aye so ahunda ngoi na bingo bê mingi (1 Tim. 6:9, 10). E lingbi ti sala ni tongana nyen? Tongana e yeke gbu li ti e na ndo ye so e ye ti sala, mû ngoi ti sambela na ndo tënë ni nga tara ti bâ wala aye so ayeke mû place ti aye ti yingo. E leke na bê ti e ti bata aye ti yingo na kozo ndo na yâ fini ti e.​—aPhil. 1:10; 4:6, 7.

4. Ngbanga ti nyen a lingbi e gi ti duti na aye mingi pëpe na yâ fini ti e?

4 E duti pëpe na aye mingi na yâ fini ti e: Mbeni ye so alingbi ti mû maboko na e ti tene nzara ti mosoro agboto e pëpe ayeke ti gi ti duti na aye mingi pëpe na yâ fini ti e. Mbeni ita-koli so abâ so sewa ti lo aduti nzoni sân ti wara akungba mingi atene: “Mbi lingbi fadeso ti sala ye mingi na yâ kongregation ndali ti aita ti mbi. Mbi hinga na bê kue so Jéhovah ayeke deba nzoni awakua ti lo kue so azia na kozo ndo aye ti yingo ahon aye so bê ti ala aye.” Mo lingbi ti wara adeba nzoni mingi na salango si fini ti mo aduti na aye mingi pëpe?

5. Ngbanga ti nyen a hunda ti sala ngangu lakue ti bata lê ti e nzoni?

5 A hunda ti ngbâ ti sala ngangu lakue ti ke ngangu so Satan ayeke sala na ndo ti e, sese ti lo so aye mosoro mingi nga na awokongo ti mitele ti e. Ahon ti tene e zia lê ti e abâ ndo kirikiri, zia e bata ni gi na ndo salango ye so bê ti Nzapa aye nga na ndo kota beku ti e ti fini ti lakue lakue.​—aProv. 4:25; 2 aCor. 4:18.

    Ambeti na Sango (1997-2025)
    Sigi
    Linda
    • Sango
    • Kangbi ni na mbeni zo
    • Aye so mo ye
    • Copyright © 2025 Watch Tower Bible and Tract Society of Pennsylvania
    • Lege ti sara kua na ni
    • Ye so a yeke sara na asango so mo mû
    • Paramètres de confidentialité
    • JW.ORG
    • Linda
    Kangbi ni na mbeni zo