Wara nzoni na yâ kasete vidéo Pas de sang: la médecine relève le défi
Mo hinga ye nzoni na ndo akode nde nde so a sala kusala na ni ti tene a opéré zo sân mungo mênë na lo? Mo hinga ambeni ye so alingbi ti sala na place ti mungo mênë, na mo hinga tongana nyen a yeke tambela? Bâ kasete vidéo so, na tara hingango ye ti mo na lege ti ahundango tënë so ge. Kete tënë: Teti so a fa na yâ ti kasete ni andulu limon na ndo a-opération, ababâ na mama alingbi ti sala ye na ndara ti bâ wala amolenge ti ala alingbi ti bâ vidéo ni wala pëpe.
(1) Ngbanga ti nyen aTémoin ti Jéhovah aye mbilimbili ti mû mênë pëpe? Na kpengba-ndia ni ayeke na ndo wa na yâ ti Bible? (2) Na ndo tënë ti mungo yorö ti kaï na kobela, ye nyen si e ye? (3) Azo ti kobela ayeke na droit ti sala nyen? (4) Ngbanga ti nyen a yeke na lege ni nga lege ti ndara ti ke mungo mênë? (5) Tongana mênë ti zo ayuru mingi, aye use wa a lingbi adocteur asala ni hio kozoni? (6) Akpale wa alingbi ti ga na lege ti mungo mênë? (7) Ambeni ye ti kusala so alingbi ti mû maboko na adocteur ti sala si mênë ayuru mingi pëpe na ngoi ti opération ayeke so wa? (8) Ye nyen a lingbi mo gi ti hinga na ndo aye kue so ayeke mû na place ti mênë? (9) A lingbi ti sala angangu opération sân ti tene a mû mênë na zo? (10) Ye wa awanganga mingi mingi aye ti sala teti aTémoin ti Jéhovah sân ti mû na ala mênë? Ye wa alingbi ti ga mbeni kpengba-ndia na ndo bango lege ti azo ti kobela kue?
Ti yeda na mbeni kode ti kaïngo na kobela so a fa na yâ ti kasete vidéo so, a yeke ti zo oko oko ti mû desizion na lege ti yingo-ti-hinga ti lo. Bâ Tour ti Ba Ndo ti lango 15 ti juin 2004, l. 22-24, 29-31; Tour ti Ba Ndo ti lango 1 ti novembre 2000, l. 30-31.