Na nze ti septembre e yeke fa mbeni Réveillez-vous! so ayeke nde
1 A yeke nzere ka na azo mingi ti mä toto ti andeke nga ti bâ lindango ti lâ. Ye oko, mingi ti ala ake ti yeda so a yeke mbeni Babâ ti ndoye so ayeke na yayu si asara aye so kue. Mbeni lege so ayeke nde ayeke zi ande na e ti fa na azo so Jéhovah ayeke Wasarango ye kue na ngoi so e yeke kangbi ande mbeni numéro ti Réveillez-vous! so ayeke nde (Es. 40:28; 43:10). Atënë kue ti yâ ti Réveillez-vous! ti septembre so aluti na ndo ti hundango tënë so: “Y-a-t-il un Créateur?”
2 Na yâ ti territoire: Tongana lege ayeke dä, leke ti fa tënë da na da legeoko na kongregation lakue na samedi. Biani, mo lingbi nga ti zia périodique so na maboko ti azo na yâ ti yenga ni kue. Périodique so ayeke nzere ande mingi na awafango mbeti nga na azo kue so ayeke fa ye. Tongaso, a yeke nzoni ti tene kongregation aleke ambeni ye ti tene a bâ mara ti azo tongaso, tongana ala yeke na yâ ti territoire ni.
3 Tongana tënë ni agbu bê ti mbeni zo, zia na lo mbeni hundango tënë so mo yeke kiri tënë na ni tongana mo ga ti peko. Na tapande, mo lingbi ti hunda tënë na ndo nda ni so Wasarango ye so ayeke na ndoye azia lege si azo abâ pasi mingi. Na ngoi so mo kiri ti bâ zo ni, gboto lê ti lo na ndo chapitre 1 wala chapitre 11 ti buku Bible afa. Wala peut-être mo lingbi ti hunda tënë na ndo ye so Nzapa aleke ti sara teti sese na ti gboto lê ti lo na ndo chapitre 3 na ngoi so mo kiri ti peko.
4 Na ekole: Tongana mo yeke na ekole, mo lingbi ti mû Réveillez-vous! so na awafango mbeti nga na amba ti mo ti klase. Même tongana mo zia ni na ndo ti table-banc ti mo, a lingbi ti pusu amba ti mo ti hunda tënë na ndo ti atënë ti mabe ti mo. Atënë so ayeke na yâ ni alingbi ti mû lege na mo ti sara kusala na ni ti fa nda ni so mo yeda na tënë ti Bible. Na tapande na ngoi ti alisoro so ala yeke sara na yâ ti klase nga tongana mo yeke sara adevoir. Ti mû maboko na mo ti sara tongaso, mo yeke wara na yâ ti Réveillez-vous! so mbeni article “Les jeunes s’interrogent... Comment défendre ma croyance en la création?”
5 Jéhovah alingbi na yekiango ndo nga na gonda ndali ti aye so lo sara (Apoc. 4:11). E lingbi ti mû gonda na Wasarango e nga ti mû maboko na ambeni zo ti sara tongaso tongana e fa Réveillez-vous! ti septembre na azo na wâ.