Ye ti tene na ndo apériodique

Tour ti Ba Ndo 1 juin

“Lâ na lâ e yeke mä tënë ti azo so asara sioni na amba ti ala. [Fa mbeni ye so asi, so azo ahinga tënë ni, na ndo so i yeke dä.] Mo gi lâ oko pëpe ti hinga wala mbeni ngangu so lê abâ pëpe ayeke dä so ayeke sara sioni na ndo azo? [Zia zo ni akiri tënë. Na pekoni, diko Apocalypse 12:12.] Mbeti so afa tongana nyen e lingbi ti bata tere ti e.”

Tour ti Ba Ndo 15 juin

“Laso azo mingi asoro ti sara ye so na lê ti ala ayeke nzoni wala sioni; mo bâ ni pëpe? [Zia zo ni akiri tënë.] Ge, e yeke na ambeni wango ti Bible so alingbi nga na ngoi ti e. [Diko mbeni versê oko so ayeke na lembeti 6-7.] Mbeti so afa anzoni ye so e wara tongana e sara ye alingbi na aye so Bible afa.”

Réveillez-vous! juin

“Ti bata tere ti e, e kue e yeke na bezoin ti nginza. Mo pensé zo alingbi ti zia bê ti lo kue gi na ndo tënë ti gingo nginza? [Zia zo ni akiri tënë.] Bâ tënë so versê so atene na ndo ye so ayeke ga na peko ti gingo mosoro mingi. [Diko 1 Timothée 6:10.] Mbeti so amû ambeni nzoni wango na ndo lege so zo alingbi ti yapu aye na yâ fini ti lo na ti duti gi na kete nginza so lo yeke na ni.”

Tour ti Ba Ndo 1 juillet

“Mo hunda tere ti mo awe ngbanga ti nyen azo ayeke sara sioni na amba ti ala ndali ti so mara ti ala, kodoro ti ala wala yanga ti kodoro ti ala ayeke nde na ti ala? [Zia zo ni akiri tënë.] Bâ nda ti tënë ni na yâ ti versê so. [Diko 1 Jean 4:20.] Mbeti so akiri tënë na hundango tënë so: “Amara nde nde alingbi ti mä tere?”

Réveillez-vous! juillet

“Nde na anyama so asara ye gi tongaso, azo ayeke na ngangu ti soro aye so alingbi ti fa lege na ala na yâ fini ti ala. Ti mo, na ndo wa si e lingbi ti wara tâ nzoni wango? [Zia zo ni akiri tënë. Na pekoni diko Psaume 119:105.] Mbeti so afa kota ti awango so ayeke na yâ Mbeti ti Nzapa.”