Kota kapa ti fango tënë so ahon atanga ni kue na ndo ti sese!
A hon angu 100 awe si a leke yâ ti bungbi ti aTémoin ti Jéhovah ti tene ala fa nzo tënë (1 aCor. 9:23). Na yâ ti ye so aga laso kota kusala ti fango tënë so ahon atanga ni kue na ndo ti sese, e yeke kangbi nzo tënë so na ayanga ti kodoro ngbangbo mingi. E yeke fa tënë na yâ ti akodoro ahon 230 (Mat. 24:14). Me, ngbanga ti nyen kusala so ayeke kota ye? Tongana nyen a yeke sara ni na ndo ti sese kue?
Vidéo Les Témoins de Jéhovah : organisés pour proclamer la bonne nouvelle akiri tënë na ahundango tënë so, na afa anzene nzene ye na ndo ti ambage nde nde ti kusala ti e na ndo ti sese kue. Na ngoi so mo yeke bâ ni, bâ ahundango tënë so: (1) Kusala ti e ayeke tambela tongana nyen, na zo wa si ayeke bâ lege ni? (2) Tongana nyen Biröo ti sungo ambeti, Andokua ti kiringo peko ti ambeti na ayanga nde nde, Ndokua ti sarango dessin, na Ndokua ti sarango akasete na avidéo ayeke sara kusala ndali ti fango nzo tënë? (3) Nda ti petengo ambeti mingi mingi na ti tokuango ni ayeke nyen? (Jean 17:3). (4) Na yâ ti ngu oko, a yeke pete ambeti oke? (5) Ye wa ambeti ti e so afa nda ti Bible ayeke sara? (aHéb. 4:12). (6) Nyen la a yeke sara na ndembe so ti mû kobe ti yingo na awambongi nga na awaziba? (7) Anginza so a mû ti sara na kusala ti e alondo na ndo wa? (8) Aye ti nzoni wa e wara na lege ti akusala ti Ndokua ti sango na ndo ti ada-nganga, Ndokua ti kusala nga na Ndokua ti akota bungbi? (9) So mo yeke Témoin ti Jéhovah, tongana nyen vidéo so akono gbungo nda ti ye ti mo nga singila ti mo teti (a) ngangu so bungbi ti Jéhovah ayeke sara ti fa nzo tënë? (b) asewa ti Béthel mingi so wungo ni ahon 100 na ndo ti sese? (c) fango ye so asurveillant na amissionnaire ayeke wara? (d) nene ti to nda ti lango oko oko na dikongo mbeni versê ti Bible nga nene ti lekengo tere yenga oko oko teti abungbi ti e? (e) anzoni ye so e yeke wara na gango na abungbi ti e? (f) ye so paradis na ndo ti sese aye ti tënë ande? (Es. 11:9) (g) mungo mbage ti mo mveni na fango lê-kobe so angbâ ti gue na li ni?—Jean 4:35.
Na peko ti so mo fa vidéo so na afami ti mo, akamarade ti mo, avizite ti mo nga azo so mo manda Bible na ala, nzoni tënë wa ala tene na ndo ni? Ngbanga ti nyen ti sara pëpe kusala na ni fade fadeso ti fa na nzo tënë na mbeni zo?—Mat. 28:19, 20.