Ye ti tene na ndo ti apériodique

Tour ti Ba Ndo 1 mai

“Azo mingi atene ala mä na bê gi na ye so ala bâ. Mo yeda na tënë ti ala ni? [Zia zo ni akiri tënë. Na pekoni diko aRomain 1:20.] Mbeti so afa akota ye ti Nzapa ota so e lingbi ti bâ ni polele na yâ ti aye so lo sara na afa tongana nyen hingango aye ti lo so alingbi ti sara ngangu na ndo ti e.”

Réveillez-vous! mai

Diko Matthieu 6:10. Na pekoni hunda zo ni: “Mo hunda tere ti mo lâ oko awe na ndo ti ye so Nzapa aye ti sara teti sese? [Zia zo ni akiri tënë.] Ti Bible, Nzapa aleke ti sara mbeni ye ndali ti sese ngbene ye na tongo nda ni, na ye so achangé pëpe. Article so afa tënë na ndo ni.” Fa article ni so ato nda ni na lembeti 10.

Tour ti Ba Ndo 1 juin

“Mbeni oko ti ambaï ti Bible so azo ahinga ni nzoni mingi ayeke ti Noé na ti moa. Mo pensé so moa ni asi biani? [Zia zo ni akiri tënë.] Ye ti nzoni ni ayeke so, Jésus asara tënë ni tongana tâ ye so asi. [Diko Luc 17:26, 27.] Mbeti so afa ngbanga ti nyen ti mä na bê na mbaï ti moa, na afa akpengba ye so e lingbi ti manda dä.”

Réveillez-vous! juin

“Batango molenge ayeke ngangu, mbilimbili tongana lo ga maseka, na lo yeke bâ akota gbiango ye na tere ti lo. Ti mo, na ndo wa si ababâ na amama alingbi ti wara nzoni wango? [Zia zo ni akiri tënë. Na pekoni diko Esaïe 48:17, 18.] Mbeti so afa ambeni tënë so alingbi ti mû maboko na ababâ na amama ti sara ye na ndara nga na gbungo nda ti ye.”