Lege ti wara ambeti hio na mbeni yanga ti kodoro nde
Ngoi na ngoi e yeke tingbi na azo so aye ti diko ambeti ti e na yanga ti kodoro wande so congrégation ti e ayeke na ni pëpe. Tongana mo gue na ndo ti Internet si imprimante ayeke na tere ni, mo hinga so mo lingbi ti imprimé ambeti ti e na ayanga ti kodoro 400 tongaso? Bâ tongana nyen mo lingbi ti sara ni:
• Gue na ndo ti site ti aTémoin ti Jéhovah so ayeke www.watchtower.org.
• Tongana mo zi site ni awe, na mbage ti maboko ti mo ti koli mo yeke wara mbeni molongo ti ayanga ti kodoro. Pete na ndo ti image ti sese ti wara ayanga ti kodoro ni kue.
• Pete na ndo ti yanga ti kodoro so mo ye. A yeke sigigi na mo ambeti so mo lingbi ti imprimé ni, ambeti tongana atract, abrochure nga na ambeni article ti Tour ti Ba Ndo na Réveillez-vous! Teti so mbage so azi na mo ayeke na yanga ti kodoro so mo soro, gi bê ti mo pëpe tongana mo mä yâ ti amama-tene so asigigi so pëpe.
• Pete na ndo ti tënë ti bê ti mo, na mbeti ni ayeke sigigi na lê ti écran ti mo na mo lingbi ti imprimé ni na petengo bouton so ayeke mû lege na mo ti imprimé ni.
Ambeti ti e kue la ayeke na ndo ti site ni pëpe, mo lingbi ti wara atanga ni na congrégation. Tongana mo zia nzara ni na bê ti mbeni zo awe, a yeke nzoni mo sara commande ti ambeti ni na ita so ayeke bâ lege ti ambeti ti congrégation.