Akode ti fango na tënë

Ti to nda ti a-étude na kozo samedi ti nze ti septembre

“Azo ti akodoro nde nde na ti abungbi ti vorongo Nzapa nde nde ayeke sambela lâ na lâ. Mo pensé so Nzapa ayeke mä asambela kue na lo yeke kiri tënë na ni?” Zia zo ni akiri tënë. Na pekoni, mû na lo Tour ti Ba Ndo ti lango 1 ti nze ti septembre na Français nga ala bâ legeoko tënë so ayeke na gbe ti kozo kete li ti tënë so ayeke na lembeti 16 na ala diko mbeni versê oko wala use so ayeke na yâ ni. Zia na lo apériodique ni na mä tere na lo ti kiri ti ga ti sara lisoro na ndo ti use hundango ndo ni.

Tour ti Ba Ndo 1 septembre

“A yeke nzoni e fa tënë ti Nzapa na amolenge na ngoi so ala de kete? Wala e ku ala kono awe si ala wani asoro Nzapa so ala ye ti voro? [Zia zo ni akiri tënë.] Bâ ye so Bible afa na ababâ ti sara. [Diko aÉphésien 6:4.] Mbeti so afa ambeni ye so ababâ na amama alingbi ti sara ti fa tënë ti Nzapa na amolenge ti ala.”

Réveillez-vous! septembre

“Laso li ti azo mingi ayeke wa wa wa ndali ti kpale ti nginza. Mo pensé ngbanga ti nyen laso a yeke ngangu na azo ti wara ye so ala yeke na bezoin ni tongaso? [Zia zo ni akiri tënë.] Atënë ti ndara ayeke na yâ ti Bible so amû maboko na azo mingi ti sara kusala nzoni na nginza ti ala. [Diko oko ti aversê so ayeke na lembeti 8-9.] Ti azo so ayeke sara ngangu ti sigigi na gbe ti sarango bon, mbeti so afa na ala ye so ala lingbi ti sara.”