Mo lingbi ti fa tënë na alakui?
1 Na yâ ti mbeni buku (Daily Life in Bible Times) a tene so bazengele Paul ayeke fa ka tënë lani da na da “alondo na ngbonga osio ti lakui juska l’heure ahon.” E hinga pëpe wala Paul ayeke sara lani tongaso, me ye so e hinga ayeke so Paul ayeke lani nduru ti “sara ye kue ndali ti nzoni tënë”. (1 aCor. 9:19-23). Lo yeke leke nga kapa ti lo ti gue da na da na ngoi so lo bâ so lo yeke wara ye ti nzoni mingi.
2 Na ando mingi awafango tënë ayeke fa ka tënë da na da na ndapre na yâ ti yenga. Me, na yâ ti territoire ti mo, ndapre ayeke nzoni ngoi ti fa tënë da na da? Mbeni pionnier atene tënë so na ndo ti territoire ti lo, lo tene: “A yeke ngangu ti wara zo na yanga-da na angoi ti ndapre. Me mingi ti azo ayeke na yanga-da na lakui.” Fango tënë na lakui alingbi ti duti mbeni nzoni ngoi ti fa nzoni tënë na akoli. Mingi ni azo ayeke ka kpô na ala yeke nduru ti sara lisoro. Tongana a yeke ga na ye ti nzoni, a yeke nzoni a-ancien azia na sese abungbi ti fango tënë ti lakui.
3 Sara ye na ndara: A yeke kota ye ti sara ye na ndara na ngoi so e yeke fa tënë na lakui. Na tapande, tongana mo tï nzoni pëpe, peut-être azo ni angbâ ti te ye, a yeke nzoni ti tene na ala so mo yeke kiri ti ga ande. Tongana ndo avuko, luti na ndo so azo ni alingbi ti bâ mo, na fa tere ti mo hio nga fa ndani so mo ga. A yeke nga lege ti ndara ti fa tënë li ti ala use wala na groupe nga ti luti na ndo ti alege so wâ aza dä na ndo so azo ayeke dä. Mo ga pëpe na ngoi so l’heure ahon ngbanga ti mo kanga lege na azo ni ti gue ti lango (2 aCor. 6:3). Tongana ndo ni so ye ti sioni alingbi ti si na zo dä na bï, fa tënë dä na ngoi so ndo ade avuko pëpe.—aProv. 22:3.
4 Aye ti nzoni so aga na pekoni: E yeke wara ngia mingi tongana e wara lege ti fa tënë na azo. Nga tongana e wara lege ti fa tënë na azo, e yeke wara pasa mingi ti mû maboko na ala ti ‘sö fini ti ala na ala si na tâ hingango ye na ndo ti tâ tënë.’ (1 Tim. 2:3, 4). Mo lingbi ti leke kapa ti mo ti fa tënë na lakui?
[Ahundango tënë ti manda na ye]
1. Tongana ti so a fa na yâ ti mbeni buku, bazengele Paul afa tënë da na da na ngoi wa?
2. Ngbanga ti nyen a yeke nzoni ti fa tënë na alakui?
3. Na lege wa e yeke fa so e sara ye na ndara na ngoi so e yeke fa tënë na lakui?
4. Aye ti nzoni wa e yeke wara tongana e fa tënë na lakui?