Maï akode ti fango tënë ti mo: Mû maboko na mba ti mo na fango tënë

Ndani so a yeke kota ye: Jésus ahinga so a yeke kota ye ti tene e fa tënë use use. Na ngoi so lo tokua adisciple ti lo 70 ti gue kozoni na lo ti fa tënë, lo tokua ala use use (Luc 10:1). Mbeni wafango tënë alingbi ti mû maboko na mba ti lo tongana mba ti lo ni atingbi na mbeni kpale wala lo yeke gi bê ti lo na ndo ti kiringo tënë so lo lingbi ti kiri na ni na mbeni zo (Zo-ti. 4:9, 10). Lo lingbi ti fa ye so asi na lo nga ngoi na ngoi ti mû mbeni wango so alingbi ti mû maboko na mba ti lo ni nga ti fa na lo ye so a lingbi lo sara ti maï akode ti fango tënë ti lo (aProv. 27:17). Tongana ala londo na mbeni da ti gue na mbeni nde, lo lingbi nga ti tene ambeni tënë ti kpengba mba ti lo ni.—aPhil. 4:8.