Sara kua na site ti e jw.org na fango tënë: “Kiringo tënë na ahunda ti azo”

Na ndo ti site jw.org ayeke wara “La Bible et vous” so na yâ ni ayeke wara mbage so atene “Questions bibliques.” Tongana e yeke tingbi ka na mara ti ahundango ndo ni so, e lingbi ti fa na azo ni site ti e ti tene ala wara akiringo tënë ti Bible na ndo ni. E lingbi nga ti sara kua na ahundango tënë ni so ti to nda ti alisoro na fango tënë. E lingbi ti soro mbeni hundango tënë so alingbi ti ndu bê ti azo ti yâ ti territoire ti e, e hunda na zo ni ti fa atënë ti bê ti lo, nga na pekoni e fa na lo ye so Bible atene na ndo ni, na sarango kua na tënë so ayeke na ndo ti site jw.org. Na pekoni, e lingbi ti tene wala ti fa na lo ndo so e wara sango ni so dä. Mbeni lege ni ayeke ti tene e zia zo ni adiko akiringo tënë ni na ndo ti site jw.org. Wali ti mbeni surveillant so ayeke gue na ando nde nde awara aye ti nzoni na hundango tënë so: “Mingi ti azo ayeke hunda tere ti ala, ‘Eskê Nzapa la asara si e yeke bâ pasi so?’ Mo ye ti wara kiringo tënë ni na yâ ti kete ngoi?” Lo zia kiringo tënë ni so lo téléchargé na yâ ti téléphone ti lo ti tene zo ni amä ni. Ti hunzi na ni, lo fa na zo ni chapitre 11 ti buku Bible afa nyen.