Fango nzoni tënë na mbeni wali so ayeke sara kua ti kongo kugbe ti thé na Cameroun
Akode ti fango na tënë
TOUR TI BA NDO
Hundango tënë ni: Eskê mo kue mo yeda so tongana Bible alondo na Nzapa, atâa nyen la azo asara ti tene a duti dä encore ape, a yeke ngbâ?
Versê ni: És 40:8
Mbeti ni: Ambage nde nde ti mbeti so afa tongana nyen la Bible angbâ atâa nyen la asi na ni wala nyen la azo asara ti futi ni.
TOUR TI BA NDO (ndangba lembeti ni)
Hundango tënë ni: Mbi ye ti hinga bango ndo ti mo na ndo ti hundango tënë so. [Diko kozo hundango tënë so ayeke na lembeti 16.] Ambeni zo apensé so abungbi ti vorongo Nzapa ayeke gi mbeni ye so azo la asigigi na ni. Ambeni apensé ti ala so Nzapa ayeke sara kua na ni ti ga na azo na mbage ti lo. Ka mo, mo tene ti mo nyen?
Versê ni: Jac 1:27
Mbeti ni: Article so afa ambeni tënë so Bible atene na ndo ni. A yeke nzere ande na mbi ti kiri ti sara lisoro na mo na ndo ti ambeni tënë ti article ni.
NZONI TËNË SO ALONDO NA NZAPA!
Hundango tënë ni: Mingi ti azo abâ so ti diko aprophétie ti Bible ayeke tongana dikongo mbeni mbeti sango. Na popo ti aye so Bible asara tene ni kozo awe so, ati so wa la mo bâ ni awe wala mo mä tënë ni awe?
Versê ni: 2Tm 3:1-5
Mbeti ni: Brochure so afa ngbanga ti nyen la aye so asi so ayeke biani mbeni nzoni tënë ndali ti azo so andoye Nzapa. [Fa ye ti manda 1, hundango tënë 2.]