GIGI TI E TI CHRÉTIEN
Maï akode ti fango tënë ti mo: Fa tënë na azo oko oko kue ti territoire ti mo
NDANI SO A YEKE KOTA YE: Zacharie afa na lege ti prophétie so azo ti ayanga ti kodro nde nde kue ayeke yeda na nzoni tënë (Zac 8:23). Me zo wa la ayeke fa tënë ni na ala? (aRm 10:13-15). E yeke na pasa ti fa nzoni tënë na azo oko oko kue ti yâ ti territoire ti e na a lingbi e sara ni.—od l. 84 par. 10-11.
LEGE TI SARA NI:
Leke terê ti mo. Mo tingbi na mbeni zo so atene mbeni yanga ti kodro nde? Mo lingbi ti manda mbeni kode ti fango tënë so akpengba ape ti yanga ti kodro ni so na lege ti application JW Language. Wala na lege ti tablette wala téléphone, mo lingbi ti fa na mbeni zo lege ti wara asango mingi na yanga ti kodro ti lo na ndö ti jw.org
Hinga ti bâ ndo nzoni. Tongana mo yeke fa tënë da na da, gbu alege kue so azi ti fa tënë na mbeni zo so ayeke hon hongo wala azo so ayeke ku oto. Tongana mo yeke fa tënë na ndo so azo ayeke dä mingi, zia li ti mo gï na ndö ti fango tënë ni
Duti zo so ayapu. Tongana mo fa tënë si mo wara azo na yanga-da ni ape, sara kue ti fa tënë na ala. Sara kue ti fa tënë na mbeni zo na yâ ti da oko oko, peut-être na mbeni ngoi nde ti yâ ti lango ni wala na mbeni lango nde ti yâ ti yenga. Ti ambeni zo, a lingbi ti fa tënë na ala na lege ti lettre, téléphone, wala na ndö ti lege
Kiri mo bâ zo ni. Kiri hio ti bâ azo kue so ayeda na tënë ni. Tongana mbeni zo ayeke tene mbeni yanga ti kodro nde, gi ti wara mbeni ita so alingbi ti mû maboko na lo na yanga ti kodro ti lo. Ngbâ ti gue ti bâ lo juska na ngoi so lo wara awafango tënë so ayeke tene yanga ti kodro ti lo.—od l. 94 par. 39-40
BÂ VIDÉO FA TËNË NA “AMBAGE TI SESE SO AYEKE TÂ YONGORO”, NA PEKONI KIRI TËNË NA AHUNDA SO GE:
Aye wa la aita aleke ti fa tënë na azo so ayeke na yâ ti aterritoire so ayo? (1aC 9:22, 23)
Akpale wa la ala hon ndö ni?
Aye ti nzoni wa la ala wara?
Angangu wa la mo yeke sara ti fa tënë na azo mingi na yâ ti territoire ti mo?