Maï akode ti fango tënë ti mo: To nda ti alisoro so alingbi ti zi lege na mo ti fa tënë

Jésus awara lege lani ti fa tënë na mbeni wali ti Samarie ndali ti so lo to nda ni na lege ti mbeni lisoro. Tongana nyen la e lingbi ti maï akode ti fango tënë ti e na tongo nda ti lisoro na azo so e hinga ala ape?

• Sara ye tongana kamarade ti zo ni nga sara tënë na zo ni. Atâa so Jésus afatigué lani, lo to nda ti lisoro ti lo na senge hundango ngu. Tongaso, mo lingbi ti to nda ni na barango zo ni na ngia nga na pekoni peut-être sara tënë na ndö ti chauffengo ti ndo wala pikango ti ngu wala mbeni ye so asi ade ti ninga ape. Girisa ape so kozo ye so mo yeke gi ayeke ti to nda ti mbeni lisoro; ni la sara lisoro na ndö ti mbeni ye so alingbi ti ndu bê ti zo ni. Tongana lo zi yanga ape, découragé ape. Tara encore na mbeni zo nde. Hunda Jéhovah ti mû maboko na mo ti sara ye na mbeto ape.—Né 2:4; Kus 4:29.

• Duti nduru ti gbu alege kue so azi ti fa nzoni tënë, me sara ye na loro ape. Zia si lisoro ni asua na bê ti lo. Tongana mo forcé ni, a yeke nzere na zo ni ape nga lo lingbi ti kaï lisoro ni. Tongana lisoro ni akaï kozo ti tene mo fa tënë na zo ni, sara vundu ape. Tongana mbeto asara mo ti yôro nzoni tënë na yâ ti lisoro ni, manda ti to nda ti alisoro sân ti yôro fango tënë dä. [Zia vidéo 1 nga sara lisoro na ndö ni.]

• Gi ti sigi na mbeni tënë so azi lege na mo ti fa tënë na tenengo mbeni tënë ti mabe ti mo so agbu bê ti mo, so alingbi ti pusu zo ni ti hunda mo ti fa ndani na lo. Jésus atene atënë so andu bê ti zo so apusu wali ni ti hunda atënë. Na ngoi so lo ga ti fa nzoni tënë na pekoni, lo kiri gï tënë na ahunda ti wali ni. [Zia vidéo 2, nga sara lisoro na ndö ni, na pekoni zia vidéo 3 nga sara lisoro na ndö ni.]