“Matabisi na Jéhovah”

Tongana nyen la e lingbi ti “ga na matabisi na Jéhovah laso?” (1Ch 29:5, 9, 14). A yeke wara na gbe ni ge alege nde nde so e lingbi ti soro ti mû a-offrande na bê ti e wani ti mû maboko na kua ti aTémoin ti Jéhovah ti ndo so e yeke dä nga na ti dunia kue.

MUNGO A-OFFRANDE NA NDÖ TI INTERNET WALA ZIANGO NI NA YÂ TI ABOÎTE TI OFFRANDE AMÛ MABOKO NA:

• 

  KUA TI E NA YÂ TI DUNIA KUE

  lekengo aBéthel, akua so a yeke sara na yâ ni nga na abureau ti traduction so ayo na Béthel

  a-ekole ti bungbi ti Jéhovah

  aita so ayeke sara gï kua ti ngoi kue

  mungo maboko na ngoi ti akpale

  imprimengo ambeti, sarango avidéo nga na ambeti so a zia na ndö ti Internet

• 

  ADÉPENSE TI CONGRÉGATION

  adépense ti congrégation, na tapande aye so a bezoin ni na yâ ti Da ti Royaume nga akete kete ye so a lingbi a sara ti bata da ni nzoni

  yanga kue so aita ti congrégation amû ti tokua nginza na Béthel ndali ti:

  • lekengo aDa ti Royaume na aDa ti assemblée na yâ ti dunia kue

  • mungo maboko ndali ti akua ti e na yâ ti dunia kue

  • ambeni kua ti e na yâ ti dunia kue

AKOTA BUNGBI

A-offrande so azo amû na ngoi ti kota bungbi ti lango ota so mo gue dä, a yeke tokua ni ndali ti kua ti e na yâ ti dunia kue. Na pekoni, a yeke a-offrande ni so la a yeke sara na adépense so andu akota bungbi ti lango ota, akota bungbi so ayeke nde nga na a-assemblée internationale.

A yeke sara kua na a-offrande so azo amû na ngoi ti mbeni kota bungbi ti lango oko ti loué na ando ndali ti akota bungbi, ti sara na akua na yâ ni, ti bâ lege ni nga ti sara na ambeni dépense so andu circonscription ni. Tongana nginza ti mbeni circonscription ahon ti so a yeke sara ka na kua, circonscription ni alingbi ti mû yanga ti tokua nginza ti ndö ni so ndali ti kua ti aTémoin ti Jéhovah na yâ ti dunia kue.