Maï akode ti fango tënë ti mo: Mû maboko na azo so ayeke “nduru ti yeda na tënë ni” ti ga adisciple

NDANI SO A YEKE KOTA YE: Jéhovah la ayeke sara si ngongoa ti tâ tënë amaï na yâ ti bê ti azo so ayeke “nduru ti yeda na tënë ni ti wara fini ti lakue lakue”. (Kus 13:48; 1aC 3:7). E yeke sara kua maboko na maboko na lo na lege so, na fango tënë, e yeke sara ngangu mingi ti mû maboko na azo so ayeda na aye so ala manda (1aC 9:26). A lingbi azo so ayeke manda Bible ahinga so ti wara salut, a lingbi ala wara batême si (1Pi 3:21). E yeke mû maboko na ala ti ga adisciple na lege so e yeke fa na ala ti sara achangement na yâ ti fini ti ala, ti fa tënë, ti fa ye nga ti mû terê ti ala na Jéhovah.—Mt 28:19, 20.

LEGE TI SARA NI:

• Fa na awamandango Bible so nda ti étude ni ayeke ti aidé ala ti “gi ti hinga” Jéhovah nga ti zia ngia na bê ti lo.​—Jn 17:3

• Mû maboko na ala ti gue na li ni na lege ti yingo na lege so ala gi ti hon ndö ti akpale, na tapande asioni sarango ye nga na akamarade so ayeke nzoni ape

• Kpengba ala nga wa ala kozo na batême ti ala nga na pekoni.​—Kus 14:22

BÂ VIDÉO JÉHOVAH AYEKE MÛ ANDE NGANGU NA MO, NA PEKONI KIRI TËNË NA AHUNDA SO:

• Aye wa la alingbi ti zia mbeto na yâ ti mbeni zo si lo kpe ti mû terê ti lo na Nzapa nga ti wara batême?

• Tongana nyen la a-ancien alingbi ti mû maboko na azo so ayeke manda Bible ti gue na li ni na lege ti yingo?

• Nyen la Ésaïe 41:10 afa na e na ndö ti Jéhovah?

• Asarango ye wa la ayeke mû maboko na e ti sara na Jéhovah nzoni, atâa so siokpari ayeke na terê ti e?