Luti kpô na ngoi so nda ni ayeke pusu nduru

NDANI SO A YEKE KOTA YE: Na yâ ti kete ngoi, ambeni kpengba ye ayeke si ande so na ngoi ni e bezoin ti duti na courage nga e fa so e sara confiance na Jéhovah mingi ahon ti kozo. Kota ye ti vundu ayeke komanse na futingo abungbi ti vorongo nzapa ti wataka (Mt 24:21; Apc 17:16, 17). Na yâ ti ngangu ngoi ni so, peut-être e yeke fa ande tënë ti ngbanga sân mbeto (Apc 16:21). Gog ti Magog ayeke ga ande ti sara bira na e (Éz 38:10-12, 14-16). Jéhovah ayeke ga ande na “bira ti kota lâ ti Nzapa, Lo so ngangu ti lo ahon angangu kue” ti sö azo ti lo (Apc 16:14, 16). Ti tene e duti ande na courage mingi na yâ ti angoi ni so, a lingbi e gbu ngangu laso tongana e tingbi na atara.

LEGE TI SARA NI:

• Sân mbeto, gbu koko ti Jéhovah nga sara ye alingbi na andia ti lo.—És 5:20

• Ngbâ ti voro Jéhovah legeoko na amba ti mo aChrétien.—aHb 10:24, 25

• Duti nduru ti mû peko ti fango lege ti bungbi ti Jéhovah.—aHb 13:17

• Gbu li na ndö ti lege so Jéhovah asö azo ti lo na ngoi ti giriri.—2Pi 2:9

• Sambela Jéhovah nga sara confiance na lo. —Ps 112:7, 8

BÂ VIDÉO AYE SO AYEKE SI ANDE SO AHUNDA TI SARA YE DÄ NA MBETO PËPE—KETE MBAGE NI, NA PEKONI KIRI TËNË NA AHUNDA SO:

• 

  Ngbanga ti nyen la a yeke ngangu na awafango tënë so ti mä yanga tongana a bungbi congrégation ti ala na ambeni congrégation ti ga oko?

• 

  Tongana nyen la sarango ye na mbeto ape ague oko na mango yanga?

• 

  Ngbanga ti nyen la e yeke na bezoin ti sara ye na mbeto ape na ngoi ti Harmaguédon?

• 

  Mbaï ti Bible wa la apeut ti mû maboko na e ti duti na mabe so Jéhovah alingbi ti sö e?—2Ch 20:1-24