Mo si na ndo wa awe na ndö ti lege so ague na batême?
GIGI TI E TI CHRÉTIEN
Soro ti sara na Jéhovah
Si mo yeke maseka so ayeke wafango tënë so ade ti wara batême ape, wala wamandango Bible, eskê mo zia na gbele mo ti wara batême? Ngbanga ti nyen mo doit ti mo wara batême? Ti mû terê ti na Jéhovah nga ti wara batême ayeke zi lege na mo ti duti na songo so ayeke nde na lo (Ps 91:1). A yeke zi nga lege na mo ti wara salut (1Pi 3:21). Tongana nyen la mo peut ti gue na li ni ti sara aye so?
Hinga biani so tâ tënë la mo yeke na yâ ni so. Tongana ahunda aga na li ti mo, sara recherche (aRm 12:2). Hinga aye so mo bezoin ti changé ni na yâ ti fini ti mo. Nga, sara achangement ni ndali ti so mo ye ti nzere na Jéhovah (aPr 27:11; aÉp 4:23, 24). Sambela lo lakue ti wara mungo maboko. Hinga biani so Jéhovah ayeke kpengba mo nga lo yeke aidé mo na lege ti yingo vulu ti lo so ayeke ngangu mingi (1Pi 5:10, 11). Ngangu so mo yeke sara ayeke kota ye. Ti sara na Jéhovah ayeke nzoni ahon aye kue so mo peut ti sara na yâ ti gigi ti mo.—Ps 16:11.
BÂ VIDÉO LEGE SO AGUE NA BATÊME, NA PEKONI KIRI TËNË NA AHUNDA SO:
Akpale wa la ambeni zo ahon ndö ni ti mû lege na ala ti wara batême?
Tongana nyen la mo lingbi ti gi ti duti na mabe so mo bezoin ni ti mû terê ti mo na Jéhovah?
Nyen la apusu ambeni zo ti sara aye so ayeke akota ye ti mû lege na ala ti wara batême?
Atufa wa la azo so asoro ti sara na Jéhovah ayeke wara?
Ti mû terê na Jéhovah nga ti wara batême aye ti tene nyen?