Tongana Jéhovah agboto mê ti e, a fa so lo ye e

Gbotongo mê andu kozoni kue fango ye nga fango lege na zo, me a ndu nga kiringo na zo na nzoni lege nga na punition. Jéhovah ayeke gboto mê ti e tongaso si e voro lo na lege so lo yeda na ni (aRm 12:1; aHb 12:10, 11). Na ambeni ngoi gbotongo mê alingbi ti son, me a yeke gue na zo ti sara ye mbilimbili nga ti wara atufa (aPr 10:7). Nyen la azo so ayeke gboto mê ti azo nga na azo so ayeke wara gbotongo mê ni adoit ti girisa ape?

Azo so ayeke gboto mê ti azo. A-ancien, ababâ na amama nga na ambeni zo ayeke sara kue ti gboto mê ti azo na nzoni bê nga na ndoye tongana ti Jéhovah (Jér 46:28). Même tongana a yeke ngangu gbotongo mê a doit ti sara ni alingbi na bezoin ni nga na ndoye.—Tt 1:13.

Zo so awara gbotongo mê ni. Atâa gbotongo mê ni ayeke tongana nyen, a lingbi e ke ni ape me e sara kue ti sara ye alingbi na ni hio (aPr 3:11, 12). So e yeke mbilimbili-kue ape, e kue e bezoin gbotongo mê; e yeke wara ni na alege nde nde. E lingbi ti wara ni na lege ti aye so e diko na yâ ti Bible wala na lege ti aye so e mä na ngoi ti abungbi. Na ambeni ngoi ambeni ita abezoin gbotongo mê na lege ti mbeni komite. Ti sara ye alingbi na ni, a yeke gue na zo ti wara fini.—aPr 10:17.

BÂ VIDÉO “ZO SO JÉHOVAH AYE LO, LO YEKE GBOTO MÊ TI LO” NA PEKONI KIRI TËNË NA AHUNDA SO:

• 

  Gigi ti Canon akomanse lani tongana nyen? Tongana nyen la a changé?

• 

  Tongana nyen la Jéhovah agboto mê ti lo na ndoye?

• 

  Aye so asi na lo so afa na e nyen?